Modi Ke Aate Hi Badh Sakta Hai Aapka Bill

Business »

Modi Ke Aate Hi Badh Sakta Hai Aapka Bill

Siddhaarth, nai Delhi Narendra Modi ke PM pad sambhaalne ke kuchh hi dinon mein aapka ghareloo bill oopar ja sakta hai, basharte nai sarkaar kai mantraalayon ki sifaarishein maan le. Kai mantraalaya Modi ke saamane aisa prastaav rakhane ki taiyaari mein hain jismein unase subsidy ghataane ka anurodh kiya jaaega. Inmein faainains, fartilaaijr aur petrolium jaise mantraalaya shaamil hain. Sootron ke mutaabik, in teen mantraalayon ki or se Modi ke pradhaanamantri banane ke baad unke saamane rakhe jaane vaale prejeinteshan mein subsidy ek aham masala hoga. Bataaya ja raha hai ki prejeinteshan mein bataaya jaaega ki subsidy bekaar ke kharch ghataane aur nivesh badhaane ki raah mein ek badi baadha hai. Padhein: Modi par income tax mein chhoot dene ka dabaav Modi ke PM bante hi sabhi mantraalaya sachivon ki or se taiyaar kiye gaye ye prejeinteshan unke saamane rakhe jaaenge. In prejeinteshan par faisale se nai sarkaar ka subsidy ke prati rukh bhi saaf ho jaaega. Isse pehle jab BJP vipaksh mein thi to usane subsidy ghataane aur cooking gas va petrol-deejl ke daam badhaae jaane ka virodh kiya tha. Saath hi BJP ne subsidy par anaaj diye jaane vaale food sikyauriti bill ka samarthan kiya tha. Sootron ke anusaar, petrolium mantraalaya ki or se cooking gas ke daam mein 250 rupaye prati silindar ki badhotri ka prastaav kiya ja sakta hai. Saath hi mantraalaya diesel keematon ko ek saath di-regyulaaij karne ke bhi paksh mein hai. Abhi diesel ke daam har maheene 50 paise badh rahe hain. Iske saath vah abhi subsidy par mil rahe cylinderon ki sankhya ghataane aur subsidy ke seedhe bank account mein traansafar ko fir se chaaloo karne ka bhi prastaav kar sakti hai. Padhein: Vajpayee se ek kadam aage hogi Modi ki paulisi! Fartilaaijar ministri ki or se seedhe subsidy ghataane ki maang na karke nai yooriya praaising paulisi ka prastaav kiya ja sakta hai. Nai paulisi ke aane se kai tarah ki subsidy aur chhoot ka ghatna lagbhag tay hai. UPA sarkaar is faisale ko maheenon taalati rahi aur ab Modi ko is par faisala lena hoga. Sootron ka yeh bhi kehna hai ki in donon mantraalayon ke prastaavon ko faainains ministri ka samarthan haasil hai. UPA ke dauraan pi Chidambaram jaise mantriyon ne subsidy ghataane ki purajor koshish ki thi lekin Congress netrutv ne unhein aisa naheen karne diya. Subsidy vaale LPG silindar ki sankhya bhi Rahul Gandhi ke kehne par 9 se 12 ki gayi thi.

Modi Ke Aate Hi Badh Sakta Hai Aapka Bill https://www.angrejinews.com/pic/51462