Modi Ka Mudda Voteron Ke Liye BJP

India »

Modi Ka Mudda Voteron Ke Liye  BJP

gulashan rai khatri. Nai Delhi JDU ki kaaryakaarini mein Gujarat ke mukhyamantri Narendra Modi par kiye gaye taaja hamle ko BJP, Bihar ki vote bank paulitiks se jodkar dekh rahi hai. Party ko lag raha hai ki JDU naheen chaahati ki vah BJP se naata tode ya fir NDA se baahar ho lekin choonki use raajya mein apne muslim voteron ko lubhaana hai, isi vajah se vah Modi ko nishaana bana rahi hai. BJP upaadhyaksh mukhtaar Abbas nakavi ne to yahaan tak kah diya ki baithak JDU ki hai aur us baithak mein JDU neta kya kehte hain, isse BJP ka koi vaasta naheen hai. JDU ki dikkat : BJP ke ek senior neta ke mutaabik JDU, BJP ka bharosemand sahayogi hai aur gathabandhan ki is raajaneeti mein donon ko ek-doosare ki dikkatein samajhni hongi. Yahi vajah hai ki JDU ke Modi ke baare mein diye gaye bayaan ko najaraandaaj karna hi theek hoga. Isse JDU apne maksad mein kaamayaab hoga aur BJP chuppi saadhakar apna maksad poora kar legi. Tab kyon chuppi saadhi : Party sootron ka kehna hai ki agar JDU ki tippani ko gambheerta se liya jaae to usase yah poochha jaana chaahiye ki agar JDU ko lagta hai ki dangon mein Modi ne apna dharm naheen nibhaaya to us vakt vah chup kyon rahi? Kyon naheen us vakt usane sarkaar se alag hone ka faisala kiya. Aisee mein yah bayaan sirf ek nautanki bhar hi maana jaana chaahiye. Samajhaane bujhaane ki koshish : JDU ki is bayaanbaaji ke baavajood BJP adhyaksh Rajnath Singh ka kehna hai ki agar JDU ki koi dikkat hai to BJP unase baat karegi.

Modi Ka Mudda Voteron Ke Liye BJP https://www.angrejinews.com/pic/5499