Modi Ifekt Asia-paisifik Mein Sabse Behtar Pradarshan Karne Waali Mudra Bana Rupaya

Breaking »

Modi Ifekt  Asia-paisifik Mein Sabse Behtar Pradarshan Karne Waali Mudra Bana Rupaya

Nai Delhi: poonji ke badhte pravaah tatha nai sarkaar ko lekar ummeedon se 2014 mein abhi tak Asia-paisifik mein rupaya sabse behtar pradarshan karne waali mudra raha hai. Pichhle saal record nichle star tak jaane vaala rupaya is samay 11 maah ke uchch star par pahunch gaya hai. dollar ke mukaabale anya mudraaon ke vishleshan ke anusaar is saal abhi tak rupaya 5.3 pratishat majaboot hua hai aur yeh anya Asia-paisifik ki mudraaon se aage nikal gaya hai. Yeh Indonesia ke rupiya va New Zealand ke dollar se adhik teji se majaboot hua hai. Gat shukravaar ko rupaya majaboot hokar 58.52 prati dollar par pahunch gaya. 2014 ki shuruaat mein bhaarateeya mudra 61.8 prati dollar par thi. Chhah maah se kam samay mein rupaya 327 paise majaboot hua hai. Videshi poonji ka pravaah badhne se rupaye mein teji I hai. Pichhle saal August mein rupaya 68.80 prati dollar ke nichle star par aa gaya tha. kotak mahindra bank ke mukhya arthashaastri indraanil pain ne ek report mein kaha, chunaav nateejon ke baad sakaaraatmak dhaarana se ham FII ke pravaah ke apne anumaan ko 5 arab dollar badhaakar 20 arab dollar kar sake hain. Kul bhugataan santulan (beeopi) adhishesh 29 arab dollar rahega. Vittavarsh 2014-15 mein rupaya 57 se 61 prati dollar ke daayare mein rahega. Asia-paisifik mein bhaarateeya mudra ke baad Indonesia ke rupiya mein sabse jyaada 4.6 pratishat ki majabooti darj hui hai. Is dauraan New Zealand ka dollar 3.75 pratishat va Australiaee mudra 3.5 pratishat majaboot hui.

Modi Ifekt Asia-paisifik Mein Sabse Behtar Pradarshan Karne Waali Mudra Bana Rupaya https://www.angrejinews.com/pic/51708