Modi Ifekt 2014 Mein Asia-pasifik Mein Rupaya Sabse Majaboot Karansi

Business »

Modi Ifekt 2014 Mein Asia-pasifik Mein Rupaya Sabse Majaboot Karansi

Nai Delhi: Nai sarkaar ke asar mein rupaya 11 maheene ke sabse oonche star par pahunch gaya hai. Yeh 2014 mein ameriki dollar ke mukaabale Asia-pasifik reejan mein sabse behtar pradarshan karne waali karansi ban gayi hai. Is saal ab tak 5.3 feesadi ki badhat ke saath rupae ne Indonesia ke rupae aur new jeelaind ke dollar samet Asia-pasifik ki sabhi mudraaon ko peechhe chhod diya hai. Pichhle kaarobaari din shukravaar ko ameriki dollar ke mukaabale rupaya 58.52 rupae par band hua. 2014 ki shuruaat mein ek ameriki dollar ke mukaabale bhaarateeya mudra 61.8 rupae par thi. Pichhle 6 maheene se kam mein yeh 327 paise majaboot ho chuka hai, jiske kai kaaranon mein videshi mudra ka aana bhi shaamil hai. Pichhle saal August mein iske apne sabse nichle star 68.80 par pahunchane ke baad yeh badi ghatna hai. Kotak mahindra ke cheef ikaunamist indraneel ek report mein kehte hain, '. . . Chunaav ke nateejon se aae positive seintimeints ki vajah se ham apna FII flo 5 arab dollar badhaakar 20 arab dollar kar sake. Isse poora bailans of pemeint 29 arab dollar saraplas ho chuka hai. Hamein faainainshal iyar 2015 mein dollar ke mukaabale rupae ke 57-61 ke beech rahane ki ummeed hai. ' apne pradhaanamantri pad ke ummeedavaar Narendra Modi ke netrutv mein BJP ne Loksabha chunaav mein bhaari bahumat ke saath jeet darj ki hai. Narendra Modi kal somvaar ko shapath leinge. Maana ja raha hai ki BJP ke akele bahumat mein aane ki vajah se bade star par aarthik sudhaar honge, jiska asar baajaar par abhi se dikhne laga hai. Asia-pasifik mein dollar ke mukaabale rupae ke baad sabse jyaada majaboot Indonesia ka rupaya (4.6 feesadi), new jeelaind ka dollar (3.75 feesadi) aur Australia ka dollar (3.5 feesadi) hain. Yen (Japan), von (south Korea) aur ringgit (malayeshiya) ki mudraaen is saal ab tak 2-3 feesadi majabooti haasil kar pai hain. Dollar ke mukaabale filipeens ka peso 1.6 feesadi chadha hai. Thailand aur Singapore ki mudraaen 0.5 feesadi majaboot hui hain. Haung kaung ke dollar mein badlaav na ke baraabar hua hai, jabki taaivaar aur cheen ki mudraaen giri hain. Haalaanki kuchh ainaalists ko aashanka hai ki itni majabooti ke baad rupae mein fir se kuchh giraavat dekhi ja sakti hai. ICICI bank trejri research group ne kaha hai, 'Dollar ke mukaabale rupae ke vartamaan star mein kuchh giraavat ki sambhaavana hai. Hamaara maanana hai ki dollar ke mukaabale is vitteeya varsh mein rupaya 60 ke aas-paas rahega. Hamein ummeed hai ki yeh yen aur Swiss Frank ke mukaabale majaboot hoga. '

Modi Ifekt 2014 Mein Asia-pasifik Mein Rupaya Sabse Majaboot Karansi https://www.angrejinews.com/pic/51701