Modi Fir PM Bane To Apne-aap Gir Jaaegi Congress Sarkaar MP BJP Adhyaksh

Breaking »

Modi Fir PM Bane To Apne-aap Gir Jaaegi Congress Sarkaar MP BJP Adhyaksh

Indore Madhya pradesh BJP ke adhyaksh Rakesh Singh ne ravivaar ko Kamalnath sarkaar ki sthirta par savaal uthaaya hai. Singh ne kaha hai ki agar Loksabha chunaavon ke baad kendra mein fir se NDA sarkaar banti hai to MP mein Congress sarkaar apne aap gir jaaegi. Media ne jab BJP neta se apna bayaan spasht karne ko kaha to unhonne kaha ki Kamalnath sarkaar itne antarvirodhon se ghiri hai ki Loksabha chunaav ke baad apne-aap gir jaaegi. Unhonne kaha ki is sarkaar mein badi foot hai. Loksabha chunaav ki taiyaariyon ke maddenajar BJP ke sammelan mein party kaaryakartaaon ko sambodhit karte hue Singh ne ye baatein kaheen. Unhonne kaha ki agar agale Loksabha chunaavon mein Narendra Modi ke netrutv mein dobaara NDA sarkaar banti hai to iske do-teen maheenon ke bheetar pradesh ki Congress sarkaar apne aap gir jaaegi. Kaaryakartaaon ko sambodhit karte hue Singh ne kaha, 'Hamein dikhaai de raha hai ki madhya pradesh ki Congress sarkaar tikaaoo naheen hai. ' MP BJP adhyaksh ne kaha, 'Aane vaale Loksabha chunaav mein Modi ke netrutv mein doosari baar sarkaar banaaie. Iske baad do-teen maheenon mein soobe ki sarkaar apne aap gir jaaegi aur yahaan fir BJP ki sarkaar hogi. ' unhonne Kamalnath sarkaar par aarop lagaaya ki kisaanon aur anya tabakon ke matadaataaon se jhoothe chunaavi vaade kar Congress 15 saal baad soobe ki satta mein lauti hai. Singh ne kaha, 'Janta ne raajya mein Congress ko haalaanki poorn bahumat naheen diya hai lekin is party ki looli-langadi sarkaar paristhitivsh ban gayi hai. ' Is beech sattaaroodh Congress ne soobe ke pramukh vipakshi dal ke aala neta ki bayaanbaaji par kadi pratikriya di hai. Pradesh Congress pravakta neelaabh shukla ne kaha, 'Singh ka bayaan darshaata hai ki chunaavi haar se kunthit BJP har tarah ki jod-tod aur khareed-farokht kar hamaari sarkaar giraane ki firaak mein hai. Lekin BJP achhi tarah samajh le ki vah apne in naapaak mansoobon mein kabhi kaamayaab naheen ho sakegi kyonki hamaare vidhaayak uske jhaanse mein aane vaale naheen hain. '

Modi Fir PM Bane To Apne-aap Gir Jaaegi Congress Sarkaar MP BJP Adhyaksh https://www.angrejinews.com/pic/255446