Modi America Jaane Ke Liye Betaab Naheen Hain BJP

Breaking »

Modi America Jaane Ke Liye Betaab Naheen Hain  BJP

Nai Delhi. . Gujarat ke mukhyamantri Narendra Modi ko veeja naheen dene ki neeti mein koi badlaav naheen hone ke ameriki rukh par teekhi pratikriya karte hue BJP ne kaha ki Modi bhi America jaane ke liye betaab naheen hain. America ke teen saansadon sahit vahaan ke 24 sadasyeeya pratinidhimandal ke guruvaar ko Modi se mulaakaat karne ka svaagat karne ke doosare din BJP pravakta ravishankar prasaad ne kaha, 'Modi bhi America jaane ke liye betaab naheen hain aur unhonne veeja ke liye aagrah bhi naheen kiya hai. ' unase America ke is rukh par tippani maangi gayi thi jismein kaha gaya hai ki Modi ko veeja naheen dene ki ameriki neeti mein koi badlaav naheen aaya hai. Modi ko veeja naheen dene ke ameriki nirnaya par unhonne kaha, 'Yah America ko tay karna hai ki vah un taanaashaahon ko to sanrakshan dega jinke haath khoon se range hain lekin lokataantrik dhang se nirvaachit vishv ke sabse bade lokatantr ke ek raajya ke mukhyamantri ko veeja naheen dega. ' prasaad ne kaha, 'Lekin doosari or America ke hi saansadon ne Gujarat ke mukhyamantri se kal bheint ki hai aur unki dil kholkar taareef ki hai. ' Modi se milne ke baad is is pratinidhimandal ke ek sadasya ne ummeed jataai thi ki June tak Modi ki America yaatra ho sakti hai. Gujarat mein hue 2002 ke dangon ke baad 2005 mein Modi ne jab 2005 mein America mein aayojit 'Vishv Gujarat baithak' mein hissa lene ke liye veeja ka aagrah kiya to America ne inkaar kar diya tha.

Modi America Jaane Ke Liye Betaab Naheen Hain BJP https://www.angrejinews.com/pic/3799