Mitaali Ka Ballebaaji Mein Sheersh Sthaan Barkaraar

Cricket » Monday, February 18, 2013

Dubai: Bhaarateeya mahila cricket team ki kaptaan mitaali raaj ICC ranking mein van-de mein number ek ballebaaj bani hui hain jabki vishv champion Australia duniya ki choti ki team ban gayi hai. Mahila vishwacup player of tournament sooji bets paanch sthaan ki chhalaang lagaakar doosare sthaan par pahunch gayi hain. New Zealand ki kaptaan bets ne tournament mein sarvaadhik 407 run banaae the. Mitaali unase 39 rating ank aage hai. Team ranking mein final mein haarne waali West Indies ki team doosare sthaan par kaabij ho gayi hai jabki Bhaarat saatavein sthaan par hai. Vishv champion Australia ki chhah khilaadi ballebaaji taalika mein sheersh 20 mein shaamil hain. Inmein meg laining paanchavein, Jessica Cameroon aathavein aur raachel hens 15vein sthaan par hain. Mahila geindabaajon ki soochi mein England ki Cathrine brant pehle sthaan par bani hui hain. West Indies stefani Taylor teen paayadaan oopar apne career ki sarvashreshth chauthe sthaan par pahunch gayi hain. Tournament mein sarvaadhik 15 wicket lene waali Australia ki megaan shat 38 paayadaan oopar 38vein sthaan par pahunch gayi hain. All-rounderon ki soochi mein West Indies ki stefani Taylor sheersh par bani hui hai. Bhaarat ki jhoolan Goswami teen paayadaan oopar paanchavein sthaan par pahunch gayi hain. Vishv cup jeetne ke baad sannyaas lene waali Australiaee all-rounder lisa staalekar geindabaaji aur all-rounder donon ki taalika mein doosare tatha ballebaajon ki soochi mein 14vein sthaan par hain.