Mission UP Priyanka Gandhi Ke Saamane 5 Sabse Badi Chunautiyaan, Kaise Paaengi Paar

Breaking »

Mission UP Priyanka Gandhi Ke Saamane 5 Sabse Badi Chunautiyaan, Kaise Paaengi Paar

Lucknow Priyanka Gandhi ki siyaasat mein poornakaalik entry ke baad Lucknow mein maahaul garamaaya hua hai. Congress ke sangathan ko sanjeevani dene ke saath hi uttar pradesh mein supt avastha mein padi party ko naya tevar aur kalevar dene ki aham jimmedaari unke kandhon par hai. Poorvi uttar pradesh ki prabhaari banaai gain Priyanka ke saamane chunautiyaan munh baae khadi hain. Loksabha chunaav mein bhi ab jyaada vakt naheen bacha hai. Delhi ki satta ka corridor maane jaane vaale uttar pradesh mein Priyanka ke saamane 5 sabse badi chunautiyaan kaun-kaun si hain, aaie jaante hain. Kamjor sangathan Congress party ke saamane uttar pradesh mein sabse badi chunauti sangathan ki kamjor haalat hai. 1989 mein soobe ki satta haath se jaane ke baad kshetreeya paartiyon ke ubhaar ke daur mein Congress ka sangathan kamjor hota chala gaya. Chunaav dar chunaav kaaryakarta party se door hote chale gaye. Jyaadaataar jilon mein kaaryakaarini (jila Congress committee) kaagaji taur par kaam kar rahi hai aur jameen par haalaat ekdam ulat hain. Uttar pradesh mein kisi bade virodh pradarshan mein Congress ki numaaindagi ki tasveer logon ke dilodimaag mein dhundhali pad chuki hai. Road sho se pehle Rahul ke saath Priyanka Gandhi Padhein: Road sho mein laki bas par Priyanka Gandhi, jaanein har apadets Bade netaaon ki kami Uttar pradesh mein party ko bade netaaon ki kami se joojhna pad raha hai. Badalate daur mein Congress ke kaddaavar netaaon ne kshetreeya paartiyon (SP-BSP) ya fir BJP mein apni jagah bana li. Soobe ki siyaasat mein lambe arase se sakriya jagadanbika paal aur reeta bahuguna Joshi jaise netaaon ne BJP ka daaman thaam liya. Haalaat ka andaaja aap isi se laga sakte hain ki Sonia Gandhi ke sansadeeya kshetr raayabareli mein pichhle saal teen netaaon emaelae Rakesh prataap Singh, emaelasi dinesh prataap Singh aur jila panchaayat adhyaksh ne party ko alvida kah diya. Poorv gruh raajyamantri aarapeeen Singh ko chhodkar poorvaanchal mein Congress ke paas koi bada chehara naheen hai. Vaheen, Akhilesh prataap Singh sirf TV dibets mein najar aate hain. Aise mein Priyanka ko yahaan maahaul banaane mein kadi mashakkat karni padegi. Yeh bhi padhein: Road sho se pehle Priyanka bani 'Durga', chadha siyaasi paara Poorvaanchal ka kila Priyanka Gandhi ko jis poorvi uttar pradesh ki jimmedaari di gayi hai, vah abhi BJP ka sabse majaboot kila maana jaata hai. Ilaake ke do sabse bade shaharon Varanasi aur Gorakhpur mein Priyanka ke liye raah kathin hai. Pradhaanamantri Narendra Modi Varanasi se saansad hain, jabki UP ke CM yogi aadityanaath Gorakhpur se aate hain. Yahaan ki 43 Loksabha seaton (poorvaanchal aur avadh kshetr ki milaakar) ko mathane ke liye unke paas jyaada samay naheen hai. Ab tak amethi aur raayabareli tak seemit raheen Priyanka ko is bade kshetr ke jameeni haalaat aur samasyaaon ko samajhna badi chunauti hoga. Priyanka Gandhi ko mahaasachiv banaane ke saath poorvi UP prabhaari ki jimmedaari. Vote bank UP mein har chunaav ke saath Congress ka vote bank khiskata chala gaya. Kabhi daliton aur musalmaanon ke beech majaboot paith rakhane waali Congress ka vote bank sikud chuka hai. Jahaan ek or dalit Congress chhod BSP ki naav par savaar ho chuke hain, vaheen musalmaanon ka jhukaav SP ki or jyaada hai. Loksabha chunaav se pehle hi SP-BSP ne gathabandhan ka ailaan kar diya hai. Vaheen, savarnon mein party pehle hi apna aadhaar kho chuki hai. Doosari or kendra sarkaar ne saamaanya varg ke gareebon ko aarakshan ka kaanoon paas karavaate hue Congress ko chaunka diya. Jaatiyon mein banti UP ki jatil siyaasat ko saadh paana Priyanka ke liye aasaan naheen hoga. Jitaaoo chehare Congress ko majaboot, tikaaoo aur jitaaoo candidate ki kami se bhi dochaar hona pad raha hai. Priyanka ko Loksabha chunaav mein sahi chehare ka silekshan karne ki maathaapachchi se joojhna hoga. Unhein dal-badaloo neta aur puraane kaaryakarta ke beech kisi ek ko chunana padega. Chunaav mein ainti BJP vote usi candidate ki or ghoomta hai, jiske jeetne ki sambhaavana sabse jyaada ho. Uttar pradesh mein 2017 ke vidhaanasabha chunaav ke dauraan jab SP-Congress gathabandhan ki haar hui to SP ke kai bade netaaon ne haar ka theekara Congress ke kamjor candidate par foda tha. Gathabandhan ke tahat Congress 105 seaton par ladi thi lekin jeet sirf 7 par naseeb hui.

Mission UP Priyanka Gandhi Ke Saamane 5 Sabse Badi Chunautiyaan, Kaise Paaengi Paar https://www.angrejinews.com/pic/254012