Mission Eksapainshan Par Focus Karegi AAP

Business »

Mission Eksapainshan Par Focus Karegi AAP

[ shaanbhavi aanand | nai Delhi ] aam aadmi party ne khud ko fir se sangathit karne ke liye abhiyaan shuroo karne ka faisala kiya hai. Loksabha chunaavon mein kharaab pradarshan aur party mein aantarik kalah ki ghatnaaen saamane aane ke baad party ne apne sadasyon ka daayara badhaane ki bhi baat kahi hai. Aam aadmi party ki teen dinon tak chali national egjikyootiv ki baithak baad party ke mukhiya Arvind Kejriwal ne bataaya, 'Ab party ko fir se sangathit karne ka vakt hai. Booth se raashtreeya star tak party ke poore strakchar ko nae sire se taiyaar kiya jaaega. Party aise logon ka chunaav karegi, jo gaanv-gaanv jaakar party mein jyaada se jyaada logon ko laaenge. Ham ise mission vistaar ka naam deinge. ' shaajiya ilmi aur captain gopeenaath samet kai senior netaaon ke isteefon ke baad yeh baithak bulaai gayi thi. Ilmi ne Kejriwal ke aaspaas ek gut hone havaala dete hue party chhodi thi, jabki party ke neta Yogendra Yadav ne Kejriwal ke kaam karne ke tareeke par savaal uthaae the. Kejriwal party mein paida huin samasyaaon aur Yadav ke hamle ko shaant karne ke mood mein najar aae. Unhonne kaha, 'Yogendra ji mere bade bhaai ki tarah hain. Main unki salaah ko behad gambheerta se leta hoon. Nae parivaaron mein samasyaaen aati hain aur sabhi masalon ko sulajha liya gaya hai aur ham fir se haippi faimili ban gaye hain. ' Loksabha chunaavon mein haar ke baad aam aadmi party mein asahamati khulkar saamane aa gayi thi. Isi vajah se party ko fir se sangathit karne ka faisala kiya tha. Party ki national kaaunsil aur national egjikyootiv ko nae sire se taiyaar kiya jaaega. Egjikyootiv committee mein kul 33 meinbar honge, jo maujooda sankhya ke mukaabale 10 jyaada hai. National egjikyootiv ke meinbar pruthvi Reddy ki aguvaai waali committee party ki reestrakcharing aur iski kai kametiyon ko dekhegi. National egjikyootiv committee mein vishesh aamantrit sadasya honge. Party apni raajya ikaaiyon ki bhi reestrakcharing karegi. Haalaanki, Haryana aur Maharashtra mein vidhaanasabha chunaavon mein shaamil hone ke baare mein faisala taal diya gaya hai. Kejriwal ne bataaya ki Loksabha mein party ka performance bura naheen raha. Unhonne bataaya, 'Kuchh log kah rahe hain ki Loksabha chunaav mein kisi ki lahar thi, lekin aap ka performance bhi achha raha. Pehli baar chunaav lad rah rahi nai party ke liye chaar seatein laana bura naheen hai. ' aap ko sabhi chaar seatein Punjab se mili hain. Haalaanki, Delhi mein party ek bhi seat jeetne mein safal naheen rahi. December ke vidhaanasabha chunaavon mein party ko Delhi se 28 seatein mili theen. Party ne Congress ke saath milkar kuchh samay tak ke liye Delhi ki satta bhi chalaai thi. Aam aadmi party ki national egjikyootiv committee ki baithak ke baad party ke mukhiya Arvind Kejriwal ne Narendra Modi ki aguvaai waali sarkaar ko badhaai bhi di. Unhonne sarkaar ke us kadam ki taareef bhi ki , jo desh mein kaala dhan vaapas laane ke liye uthaae gaye hain. Haalaanki , unhonne ummeed jataai ki sarkaar gas ki keemat mein badhotri naheen kar egi.

Mission Eksapainshan Par Focus Karegi AAP https://www.angrejinews.com/pic/53273