Mission 2019 SP-BSP Ne Bhulaai 23 Saal Puraani Dushmani, Raah Mein Ab Kitne Rode-kitni Raahat

Breaking »

Mission 2019 SP-BSP Ne Bhulaai 23 Saal Puraani Dushmani, Raah Mein Ab Kitne Rode-kitni Raahat

Lucknow Kabhi nadi ke do alag-alag chhor maane jaane vaale raajaneetik dal samaajavaadi party (SP) aur bahujan samaaj party (BSP) ne Loksabha chunaav 2019 mein BJP ko shikast dene ke liye 23 saal ki dushmani ko bhula diya hai. Dushmani bhulaakar donon dalon ne ek-doosare ka saath dene ka aupachaarik ailaan shanivaar ko Lucknow mein ek press conference mein kiya. Bata dein ki SP-BSP ke beech 80 Loksabha seat vaale uttar pradesh mein 38-38 seaton par bantavaara hua hai. Congress ke liye amethi aur raayabareli ki seatein chhodi gayi hain jabki do seatein chhote dalon ke liye aarakshit ki gayi hain. Maana ja raha hai ki do seatein nishaad party aur pees party ke liye chhodi gayi hain. Khaas baat yeh hai ki nishaad party ka nishaad biraadari mein prabhutv maana jaata hai, vaheen pees party ka poorvaanchal ki muslim biraadari mein asar maana jaata hai. Raajaneetik vishleshak maujooda paristhitiyon ko SP-BSP ke gathabandhan ke liye 25 saal pehle ke haalaat se jyaada upayukt maanate hain. Vishleshak ka maanana hai ki pichhle chaar-paanch saal mein poore desh mein jis khaas tarah ka dhruveekaran hua hai usaka asar raajaneeti ke saath-saath samaaj aur kaarobaar par bhi pada hai. Padhein: Maaya-Akhilesh ki 'Dos‍aati' par yeh bole shivpaal SP-BSP ke saamane kya hai chunauti? Gathabandhan ke saamane sabse badi chunauti ka jikr karte hue raajaneetik vishleshak prafesar esaen Dwivedi kehte hain ki SP aur BSP ko gairayaadav (OBC) aur gairajaatav dalit ko apne saath laane ki chunauti hogi. Yeh votar 2014 ke Loksabha chunaav aur 2017 ke uttar pradesh vidhaanasabha chunaav mein BJP ke saath chala gaya tha. Gaurtalab hai ki SP-BSP ne 25 saal pehle mandal aayog ki sifaarishon se raajaneeti mein hue jabaradast badlaav ke daur mein haath milaaya tha. Us vakt mulaayam Singh Yadav anya pichhde vargon ke bade neta bankar ubhare the aur muslim matadaata bhi unke saath ekajut tha. Vaheen, kaansheeraam daliton ke neta ke taur par ubhare the. Lagbhag 25 saal pehle SP-BSP ke saath aane ka hi nateeja tha ki baabari masjid vidhvans ke baad bhi BJP satta mein vaapasi naheen kar pai thi. Padhein: 'Buaa-babuaa' ki dos‍aati se mulaayam gaayab: Amar Baabari vidhvans ke baad uttar pradesh mein kalyaan Singh sarkaar barkhaast kar di gayi thi. Janta dal se naata todkar samaajavaadi party banaane vaale mulaayam Singh Yadav aur bahujan samaaj party ke sansthaapak kaansheeraam ne BJP ko satta se door rakhane ke liye gathabandhan kiya. 1993 mein uttar pradesh ke vidhaanasabha chunaav mein samaajavaadi party ko 110 seatein aur BSP ko 67 seatein mili theen. SP pramukh mulaayam Singh Yadav ne BSP aur anya kuchh dalon ke sahayog se sarkaar banaai. BSP mulaayam sarkaar mein shaamil naheen hui thi aur sirf baahar se samarthan de rahi thi. 2 June 1995 ka vah din BSP pramukh kaansheeraam ke kehne par party ki pramukh neta maayaavati ne party ke vidhaayakon ki baithak bulaai. Lucknow ke guest house mein maayaavati apne vidhaayakon ke saath gathabandhan todne par charcha kar rahi thi. Shaam ka samay tha, kareeb 200 ki sankhya mein samaajavaadi party ke kaaryakartaaon aur vidhaayakon ne guest house par hamla bol diya. SP kaaryakartaaon ne BSP ke vidhaayakon ke saath maarapeet shuroo kar di. Vahaan maujood kaaryakartaaon ke kehne par maayaavati ne khud ko ek kamre mein band kar diya. Kuchh der mein bheed maayaavati ke kamre tak pahunch gayi aur darvaaja todne ki koshish karne lagi. Maayaavati ko PM banavaane ke savaal par Akhilesh ka 'Chatur' javaabaX Khadi ho sakti hain BJP ke liye mushkilein Pichhle (2014 ke) Loksabha chunaav mein SP ko kareeb 22 pratishat aur BSP ko lagbhag 20 feesad mat mile the. Donon ko mila lein to yeh kareeb 42 feesad hota hai. Varsh 2017 mein hue vidhaanasabha chunaav mein SP aur BSP ko lagbhag 22-22 pratishat vote haasil hue the. Agar donon ka vahi vote pratishat barkaraar raha to bhi vah BJP ke liye kathinaai khadi kar sakta hai. UP mein kuchh aisa hai jaatiyon ka ganit Ek anumaan ke anusaar, uttar pradesh mein is samay dalit matadaata kareeb 22 pratishat hain. Inmein 14 feesad jaatav shaamil hain. Yeh BSP ka sabse majaboot vote bank hai. Iske alaava baaki aath pratishat dalit matadaataaon mein paasi, dhobi, khatik, musahar, koli, vaalmeeki, gond, kharavaar sahit 60 jaatiyaan hain. Raajya mein kareeb 45 feesadi OBC matadaata hain. Inmein Yadav 10 pratishat, kurmi paanch feesadi, maurya paanch, lodhi chaar aur jaat do pratishat hain. Baaki 19 pratishat mein mallaah, lohaar, prajaapati, chaurasiya, gurjar, raajabhar, bind, biyaar, nishaad, kahaar aur kumhaar sahit 100 se jyaada upajaatiyaan hain. Padhein: Maaya ne press conference mein kiya guest house kaand ka jikr, jaaniye kya hua tha us din 19 feesadi votabaink ke baavajood BSP ke haath the khaali Pradesh mein maana jaata hai ki kareeb 19 feesadi musalmaan matadaata hain. Varsh 2014 ke Loksabha chunaav mein uttar pradesh ki 80 Loksabha seaton mein se BJP gathabandhan ko jabaradast kaamayaabi ke saath kul 73 seatein mili theen. BJP ko 71, usaki sahayogi party apna dal ko do, SP ko paanch aur Congress ko do seatein mili theen. Lagbhag 19 pratishat vote paane ke baavajood BSP ka khaata tak naheen khul saka tha. Maayaavati ne kiya guest house kaand ka jikr to kya bole Akhilesh? X.

Mission 2019 SP-BSP Ne Bhulaai 23 Saal Puraani Dushmani, Raah Mein Ab Kitne Rode-kitni Raahat https://www.angrejinews.com/pic/247345