Misseling Maamale Mein Principle PNB Ke Khilaaf Jaanch

Business » Wednesday, April 3, 2013

reena jakaariya Mumbai. . Kaipitl market regyuletar SEBI principle PNB eset management ke khilaaf ek maamale ki jaanch ke adavaans stage mein pahunch chuka hai. Principle PNB eset management (poorv mein IDBI principle myoochual fund) par teen saal pehle myoochual fund skeemon ki miss-seling karne ka aarop hai. Fund house ke khilaaf jaanch Gujarat samaachaar ke pablishrs lok prakaashan ki shikaayat ke baad shuroo hui thi. Lok prakaashan ne fund house ki do skeemon mein inavestameint kiya tha. Maamale ke jaankaar sootron ne bataaya ki jaanch mein aarop sahi paae jaane par eset manager ko code of kandakt ka ullanghan karne ki vajah se jurmaana bharna pad sakta hai. Maamala March 2009 ka hai jab lok prakaashan ne principle PNB eemasi ke khilaaf gairkaanooni aur anaitik salaah dene ki shikaayat SEBI se ki thi. Ahmedabad ke pablishing house ne December 2007 mein principle ke emaaaipi aur emaaaipi plas mein 15-15 karod rupae ka inavestameint kiya tha. Inavestameint ke vakt donon skeemon ka eyooem kramash: 49.71 karod aur 40.55 karod rupae tha. 7 November 2008 ko principle ne lok prakaashan ko bataaya ki usaki holding maiksimm 25 feesadi limit se jyaada ho gayi hai isliye usamein kami karni hogi. SEBI ke niyamon ke mutaabik, kisi skeem mein kisi ek inavestar ka inavestameint uske eset ke 25 feesadi se jyaada naheen ho sakta. Inavestar ka aarop hai ki usako inavestameint ke vakt eyooem ke baare mein naheen bataaya gaya tha. SEBI ke niyamon ke hisaab se chalne ke liye principle ke afsaron ne 14 November ko do blaink time staanp vaale transaction slip ke saath lok prakaashan se sampark kiya. Ye donon slip back deted the yaani ek par 10 November 2008 aur 12 November 2008 ki taareekh likhi thi. Lok prakaashan ne 17 March 2009 ko SEBI ko likhe khat mein kaha, 'Hamein principle PNB ne salaah di ki ham 10 November ke blaink time stainpd form par ridempashan file kar sakte hain jab ikviti market lagbhag 500 point oopar tha. Iske alaava ham 12 November ki taareekh vaale form se khareedaari ka klem kar sakte hain. Market do din mein 1000 point gir chuka tha. Myoochual fund company se aisi salaah paakar hamein jor ka jhatka laga. 'Ikanaumik times ne lok prakaashan ki taraf se SEBI aur principle PNB myoochual fund ke indipeindeint daayarektars ko likhe gaye patra ki kaupi ko review kiya hai. Patra mein likha hai, 'Ham jaante hain ki yah poori tarah se gairkaanooni aur anaitik salaah hai. Isliye humne bhaari ghaata uthaakar bhi samooche open inded portfolio ko rideem kara liya. Yah myoochual fund company ki taraf se code of kandakt ka ullanghan hai. Ham samajhte hain ki koi bhi eemasi aise time stainpd blaink transaction form se deal naheen kar sakta aur kisi inavestar ya thard party ko day sakta hai. 'Niymaanusaar, jab koi inavestar apna inavestameint rideem karaana chaahata hai tab usako ridempashan form bharakar us par dastakhat karke fund house ke paas jama karna hota hai. Form milne par fund house ko usako time stainp karna chaahiye jisse ki us samay ke enaevi par ridempashan vailyoo ka aakalan kiya ja sake.