Milkha Singh Ne Narendra Modi Ko Shaanadaar Jeet Ke Liye Badhaai Di

Breaking »

Milkha Singh Ne Narendra Modi Ko Shaanadaar Jeet Ke Liye Badhaai Di

Chandigarh: mahaan athlete milkha Singh ne Narendra Modi ko unki party ke Loksabha chunaav mein shaanadaar pradarshan ke liye badhaai di. Unhonne ummeed jataai ki ab unke netrutv mein desh ke khel mein naya adhyaaya likha jaaega. 84 varsheeya poorv dhaavak ne kaha, main Modi ko is shaanadaar jeet ke liye badhaai deta hoon. Shuroo se hi poora desh unke saath tha aur logon ne agale pradhaanamantri pad ke liye unhein bilkul sahi vote diye hain. Asiaee khelon mein 1958 aur 1962 mein chaar svarn padak jeetne vaale aur teen olympic mein desh ka pratinidhitv karne vaale milkha Singh ne kaha, desh ko kaafi mushkilon jaise bhrashtaachaar ka saamana karna pad raha hai aur aam logon ko lagta hai ki Modi jaisa vyakti inhein hata dega. Unhonne kaha, mujhe bahut ummeedein hain ki unki sarkaar hamaare khelon mein sudhaar mein dilchaspi dikhaaegi. Mujhe ummeed hai ki ve aisi neetiyaan gathit kareinge, jisse Bhaarat ko olympic padak laane mein madad milegi. Unhonne desh ke agale khel mantri ke baare mein kaha, use khelon ke baare mein poori jaankaari honi chaahiye, jisse isse desh mein khelon ka maanak badhaane mein madad milegi.

Milkha Singh Ne Narendra Modi Ko Shaanadaar Jeet Ke Liye Badhaai Di https://www.angrejinews.com/pic/50803