Milind Devada, Priya Datt Ne 'Team Rahul Ke Khilaaf Buland Kiye Aalochna Ke Sur

Breaking »

Milind Devada, Priya Datt Ne 'Team Rahul Ke Khilaaf Buland Kiye Aalochna Ke Sur

Nai Delhi: Loksabha chunaav 2014 mein Congress ko mili bhaari paraajaya ke maddenajar 'Team Rahul' par paroksh hamle mein Congress netaaon ne guruvaar ko kaha ki party ko kathorata se 'Aatmanireekshan' karna chaahiye, aur sirf unheen logon ko netrutv waali bhoomika saunpi jaani chaahiye, jinhein jameeni kaaryon ka anubhav ho. Congress neta milind devada ne Budhvaar ko ek angreji akhbaar ko diye interview mein haar ke liye Congress upaadhyaksh Rahul Gandhi ke salaahakaaron par nishaana saadhate hue kaha tha ki Rahul Gandhi ke salaahakaaron ko jmeeni hakeekat ka gyaan naheen aur na chunaavon ka anubhav hai. dakshin Mumbai se poorv saansad aur kendra mein mantri rahe milind devada ne kaha ki unki yeh tippani party ke prati gahari nishtha aur chunaavon mein uske kharaab pradarshan se hui peeda se upaji hai. Devada ne twitter par kaha, ''Meri tippani party ke prati gahari nishtha ki bhaavanaaon, chunaavon mein hamaare pradarshan ko lekar peeda aur party ki punarvaapasi dekhne ki ek imaandaar ichha se upaji hai. . . Isse adhik kuchh naheen. . . '' unhonne twitter par ek anya tippani mein kaha, ''Jmeeni party kaarya aur chunaavi sangharsh jmeeni vaastaviktaaon ko samajhne ke liye mahatvapoorn hain. . . Yeh Congress mein netrutv ke padon ke liye aadhaar banana chaahiye. . . '' milind devada ki ye tippaniyaan kaafi mahatvapoorn hain, kyonki party mein is baat ko lekar pehle se hi fusafusaahat chal rahi hai ki aise anek logon ko mahatvapoorn jimmedaariyaan di gain, jinhein na chunaavon ka koi anubhav tha, na raajaneeti ki baareekiyon ki samajh thi. is beech, akhil bhaarateeya Congress committee ki sachiv priya datt ne bhi guruvaar ko Congress adhyaksh soniya Gandhi se mulaakaat ki, jiske baad priya ne bhi janta ke saath party netaaon ki bani doori ki baat ki. Unka yeh bhi kehna tha ki pichhle 10 varshon mein hamse kahaan galati hui, us par hamein gaur karna hoga. haal hi mein sampann hue Loksabha chunaav mein milind devada dakshin Mumbai seat par shivsena ke Arvind saavant se paraajit hue hain, jabki priya datt ko bhaajapa ki poonam mahaajan ke haathon maat khaani padi hai. vaise, party ke varishth neta satyavrat chaturvedi bhi milind devada dvaara vyakt kiye gaye vichaaron se sur milaate dikhe. Unhonne bhi ummeed jataai ki samasyaaon ko door karne ke liye imaandaar aur kathor aatmanireekshan kiya jaaega.

Milind Devada, Priya Datt Ne 'Team Rahul Ke Khilaaf Buland Kiye Aalochna Ke Sur https://www.angrejinews.com/pic/51379