Micky Orthar Ko Cowan Ka Javaab, Lambe Samay Tak Batting Karna

Cricket » Tuesday, March 26, 2013

Mohali. . Australiaee coach Micky aarthar ne jab khilaadiyon se team ka pradarshan sudhaarane ke liye apne sujhaav dene ko kaha tha to Ed Cowan ka javaab tha, jitna sambhav ho utane lambe samay tak ballebaaji karna. Lagaataar kam score par out hone vaale yah salaami ballebaaj apne javaab par khara utarane mein safal rahe aur unhonne Bhaarat ke khilaaf teesare test match mein shukravaar ko yahaan 86 run ki paari khelkar apne career ko fir se track par la diya. Cowan se jab poochha gaya tha ki unhonne aarthar ko kya javaab diya tha, unhonne kaha, 'Mainne coach se kaha tha ki main jitna sambhav ho utane lambe samay tak ballebaaji karna chaahata hoon. Mainne unhein sankhya bhi bataai thi, lekin yah mere aur unke beech ki baat hai. ' Cowan ne David Warner ke saath pehle wicket ke liye 139 run ki saajhedaari ki. Unka maanana hai ki Bhaarat mein spinron ki madadgaar pichon par safalta ke liye thoda bhaagya bhi saath mein hona chaahiye. New south vels ke is 30 varsheeya salaami ballebaaj ne pehle din ka khel samaapt hone ke baad kaha, 'Haalaanki main poori tarah safal naheen raha lekin main samajhta hoon ki mainne team ke hit mein apni taraf se kuchh yogadaan diya.