Meri Umr Ki Hiroin Kahaan Milegi Sani Deol

Movies »

Meri Umr Ki Hiroin Kahaan Milegi Sani Deol

Chandra mohan sharma. . Sani deol ab industry mein achhe-khaase senior hain, lekin apni paari ko lekar abhi bhi eksaaited hain. Haalaanki chhoti hiroinon ke saath kaam karne par unka yahi savaal hai ki unki umr ki hiroin industry mein hain kya! Kareeb do saal ke break ke baad is saal aapki teen filmein aa rahi hain. Aisa kyon? Mainne break to kabhi naheen liya. Is industry mein kareeb 30 saal se hoon aur aisa koi din yaad naheen aata, jab mainne kabhi kaam chhoda ho. Ek ke baad ek film aane ka matlab hi lagaataar kaam karna naheen hota hai. Aikting ke alaava, ham apni praudakshan company aur saaund studio ko lekar bhi biji rahate hain. Fir script sunane ka kaam bhi rahata hai. Vaise, is saal do filmon ki release to tay hai, lekin teesari film shaayad agale saal aaegi. Poori deol faimili ke saath film banaane mein bahut mushkilein kyon aati hain? Hamaari faimili ke saath kai director saalon se jude hue hain aur ham aaj bhi ek saath kaam kar rahe hai. Haan, main maanata hoon ki hamamein har koi kuchh jyaada hi imoshanal ho jaata hai, lekin iska matlab yah bhi naheen ham director ki naheen sunate ya use ignor karte hain. Fir kya vajah rahi ki 'Yamala pagala deevaana 2' ke liye aapko naya director talaashana pada? Aisa to kisi kitaab mein naheen likha ki sikval mein pichhli film ke aiktar aur director hi honge. Aise kai sikval hain, jinko nae nirdeshakon ne sambhaala aur achhi film banaai. Rahi baat hamaari film ki, to sangeeth sivaan deol faimili ke liye nae naheen hain. Is baar Punjab aur UP chhod poori film London mein shoot karne ki vajah? Pichhli film mein bhi main videsh se apne paapa aur bhaai ki talaash mein aata hoon. Ab jab ham sab mil chuke hain, to kahaani ko nae sire se shuroo karne ke liye kuchh to karna hi tha. 'I love new iyar' mein kangana raanaavat ke saath aapki jodi hai. Itni chhoti hiroin ke saath kya aap sahaj hain? Ab koi director mere saath meri umr ki hiroin to lega naheen. Fir industry mein hamesha hi yang hiroinon ko kaast karne ka chalan raha hai. 45-50 saal ke hero ke saath 20-25 saal ki hiroin hona aam baat hai. Charcha hai ki 'Ghaayal' ka sikval banaane ke liye faainainsar naheen mile, to 'Yamala pagala deevaana' ke sikval ka kaam shuroo kiya gaya? Bakavaas hai. Humne jo karna hota hai, apne dam par karte hain. 'Ghaayal' ka sikval banega, jaroor banega. Mujhe lagta hai ki in dinon jab aikshan filmein hit ho rahi hain, to is film ke kai sikval banaae ja sakte hain. Aapke paapa ne aapko aur baubi ko apne banner se launch kiya. Kya aapke bete karan ko bhi vahi launch kareinge? Abhi kuchh naheen socha. Haan, ab vah 21 saal ka ho gaya hai aur paapa ji chaahate the ki aikting karne se pehle vah filmameking ki baareekiyaan seekh le. Tabhi vah kaafi time se hamaare saath praudakshan mein laga huaa hai. Haalaanki karan ki khvaahish hai ki vah hamaare bajaay baahar ke kisi banner se apna career staart kare.

Meri Umr Ki Hiroin Kahaan Milegi Sani Deol https://www.angrejinews.com/pic/4437