Meri Jindagi Aur Mera Kaaryakaal Khuli Kitaab Ki Tarah PM Manmohan Ka Aakhiri Sandesh

Breaking »

Meri Jindagi Aur Mera Kaaryakaal Khuli Kitaab Ki Tarah  PM Manmohan Ka Aakhiri Sandesh

Nai Delhi: pradhaanamantri Manmohan Singh ne pad chhodne se pehle raashtra ke naam apne antim sambodhan mein kaha, pradhaanamantri ke pad par rahate hue meri jindagi aur mera kaaryakaal ek khuli kitaab ki tarah hain. Mainne hamesha is mahaan desh ko apna sarvashreshth dene ka harsambhav prayaas kiya. Manmohan Singh ne kaha, main aane waali sarkaar ko har prakaar ki safalta ke liye shubhakaamana deta hoon. Pichhle 10 saal mein Bhaarat ne kai aisi safalataaen aur upalabdhiyaan haasil keen, jin par hamein garv hona chaahiye. Manmohan ne kaha, pichhle 10 saalon ke dauraan humne bahut si safalataaen aur upalabdhiyaan haasil ki hain jin par hamein garv hai. Aaj hamaara desh har maayane mein das saal pehle ke Bhaarat se kaheen jyaada majaboot hai. Desh ki safalataaon ka shreya main aap sabko deta hoon. Lekin abhi bhi hamaare desh mein vikaas ki bahut si sambhaavnaaen hain, jinka faayda uthaane ke liye hamein ekajut hokar kadi mehnat karne ki jaroorat hai. Manmohan ne kaha, pradhaanamantri ka pad chhodne ke baad bhi aapke pyaar aur mohabbat ki yaad hamesha mere jahan mein taaja rahegi. Mujhe jo kuchh bhi mila hai, is desh se hi mila hai. Ek aisa desh jisne bantavaare ke kaaran beghar hue ek bachche ko itne oonche pad tak pahuncha diya. Yeh ek aisa karj hai, jise main kabhi ada naheen kar sakta. Yeh ek aisa sammaan bhi hai, jis par mujhe hamesha garv rahega. unhonne aage kaha, mujhe Bhaarat ke bhavishya ke baare mein poora itmeenaan hai. Mujhe pakka vishvaas hai ki vah samay aa gaya hai jab Bhaarat duniya ki badalti hui arthavyavastha mein ek mahatvapoorn shakti ke roop mein ubharega. Parampara ko aadhunikta ke saath aur vividhta ko ekta ke saath milaate hue hamaara desh duniya ko aage ka raasta dikha sakta hai. Apne mahaan desh ki seva karne ka mauka milna mera saubhaagya raha hai. Main isse jyaada kuchh aur naheen maang sakta tha. Meri shubhakaamana hai ki aane waali sarkaar apne kaam-kaaj mein har tarah se safal rahe. Main apne desh ke liye aur bhi badi safalataaon ki kaamna karta hoon.

Meri Jindagi Aur Mera Kaaryakaal Khuli Kitaab Ki Tarah PM Manmohan Ka Aakhiri Sandesh https://www.angrejinews.com/pic/50802