Meghaalaya, Nagaalaind Mein Shaantipoorn Matadaan

Breaking »

Meghaalaya, Nagaalaind Mein Shaantipoorn Matadaan

Shillong / kohima: Ugravaadiyon dvaara saat jilon mein band ke aahvaan ke baavajood 60 sadasyon waali meghaalaya vidhaanasabha ke liye ho rahe chunaav mein 15 lakh se adhik matadaataaon mein se 51 pratishat matadaataaon ne matadaan ke pehle paanch ghante mein apne mataadhikaar ka istemaal kiya. Mukhya chunaav adhikaari pi naaik ne kaha ki pratibandhit sangathan hinevatrep national liberation kaaunsil dvaara saat jilon mein shukravaar shaam chhah baje se aahoot band ke baavajood khaasi jaintiya hills ilaake mein matadaan adhik tej tha. Subah saat baje matadaan shuroo hone se pehle badi sankhya mein matadaataaon ko panktiyon mein khade dekha gaya. Inmein adhiktar mahilaaen shaamil theen. Ugravaad prabhaavit gaaro hills aur antararaashtreeya evam antararaajyeeya seemaaon se lage ilaakon mein ati samvedansheel ke roop mein vageekrut 900 matadaan keindron mein suraksha balon ki kadi chaukasi ke beech matadaan shaantipoorn raha. Band ko dekhte hue sarkaar ne rajdhani aur poorvi khaasi hills jile mein matadaataaon ki sahooliyt ke liye lagbhag 100 saarvajanik parivhan vaahan tainaat kiye. Nagaalaind mein pehle teen ghante mein kareeb 30 feesadi matadaataaon ne apne mataadhikaar ka prayog kiya. Tvanesaang sadar seat se Congress ummeedavaar pi chooba chaang ke nidhan hone ke kaaran 59 seaton par hi chunaav ho raha hai. Chunaav aayog ne agali taareekh tak ke liye vahaan chunaav taal diya hai. Subah se hi matadaan keindron par logon ki lambi kataarein dekhi gain. Meghaalaya mein chunaavi maidaan mein jaane-pahachaane cheharon mein mukhyamantri mukul sangama, gruhamantri echadi aar lingadoh, shiksha mantri aarasi laaloo, raajya Congress adhyaksh deedi lapaang, yoodeepi adhyaksh daan koopar rai, peee sangama ke bete konaraad ke sangama aur unke bhaai James sangama hain. Congress ne sabhi 60 seaton par apna ummeedavaar utaara hai, vaheen United democratic party 50 seaton par apna bhaagya aajama rahi hai. Peee sangama ke netrutv waali national people'S party 32 seaton par chunaav lad rahi hai, jabki enaseepi 21 aur BJP ne 13 seaton par apne pratyaashi utaare hain. Kul ummeedavaaron mein 25 mahilaaen hain. 2,845 matadaan keindron mein se 900 ko atisanvedanasheel ghoshit kiya gaya hai. Asam se lagi antararaajyeeya seema aur antararaashtreeya seema ke kareeb sthit matadaan keindron ko bhi antisanvedanasheel maana gaya hai. Vaheen, nagaalaind vidhaanasabha ki 60 seaton ke liye chunaav maidaan mein kul 188 ummeedavaar hain aur 11.93 lakh matadaata hain. Naami giraami ummeedavaaron mein jinke bhaagya ka faisala hona hai, usamein uttari angaami dviteeya se mukhyamantri nefyoo rio, pashchimi angaami se vidhaanasabhaadhyaksh kiyaaneeli peseyi, deemaapur truteeya se vipaksh ke neta tokeho yeptahomi, deemaapur dviteeya se raajya Congress adhyaksh S I jameer aur koridaang se poorv gruhamantri imakong L imachaan hain. Maidaan mein kul 39 nirdaleeya aur do mahilaaen hain. Sattaaroodh naga people'S frant ekamaatr aisi party hai, jo sabhi 60 seaton par chunaav lad rahi hai. Vipakshi Congress 57 seaton par aur iske baad enaseepi ne 15, BJP ne 11 aur JDU ne teen aur aarajedi ne do seaton par apne ummeedavaar utaare hain. United nagaalaind democratic party ne bhi ek seat par apna ummeedavaar utaara hai. 2,023 matadaan keindron mein se 821 ki pehchaan samvedansheel aur 662 ki pehchaan atisanvedanasheel keindron ke taur par ki gayi hai.

Meghaalaya, Nagaalaind Mein Shaantipoorn Matadaan https://www.angrejinews.com/pic/2616