Meerut Mein Chachere Bhaai Ne Gala Ghontakar Kishori Ki Hatya Ki

Breaking »

Meerut Mein Chachere Bhaai Ne Gala Ghontakar Kishori Ki Hatya Ki

Meerut: Uttar pradesh ke Meerut jile mein kaseroobaksar ilaake mein kathit taur par jhoothi shaan ke liye ek ladke ne apni chacheri bahan ko gala ghontakar maar daala. Police kshetraadhikaari vikaas tripaathi ne bataaya ki kaseroobaksar mein rahane vaale ek shakhs ki 16 varsheeya beti ke pados mein rahane vaale 22 varsh ke ek yuvak ke saath prem sambandh the. Ladki ke chachere bhaai ko yah pasand naheen tha. Usane is baare mein ladki ko samajhaane ka prayaas bhi kiya, lekin uske naheen maanane par vah kal us samay ladki ke ghar pahuncha, jab vah ghar mein akeli thi aur gala dabaakar usaki hatya kar di. Bahan ko maut ke ghaat utaarane ke baad ladke ne khud ko police ke havaale kar diya. Mauke par pahunchi police ne ladki ka shav postmortem ke liye bhijvaaya. Ladki ke pita ki shikaayat par yuvak ke khilaaf hatya ka mukadama darj kar use jail bhej diya gaya.

Meerut Mein Chachere Bhaai Ne Gala Ghontakar Kishori Ki Hatya Ki https://www.angrejinews.com/pic/2634