Meer Hajaar Khoso Pak Ke Kaaryavaahak Pradhaanamantri Naamit

World »

Meer Hajaar Khoso Pak Ke Kaaryavaahak Pradhaanamantri Naamit

Islamabad. . Desh mein 11 May ko hone vaale aam chunaav karaane ke liye Pakistan ke nirvaachan aayog ne retired judge meer hajaar khoso ko ravivaar ko desh ka kaaryavaahak pradhaanamantri naamit kiya. Naamit hone ke baad khoso ne kaha ki desh ki kamjor kaanoon vyavastha ko sudhaarana aur svatantr va paaradarshi chunaav karaana unki antarim sarkaar ki pehli praathamikta hai. 84 varsheeya khoso ne kaha, 'Meri pehli praathamikta svatantr evam paaradarshi chunaav karaana hai. ' apni imaandaari ke liye lokapriya Justice khoso se unki praathamiktaaon ke baare mein poochhane par unhonne kaha, 'Prashaasan yah tay karne ki koshish karega ki (chunaav ke dauraan) kaanoon vyavastha behtar rahe. ' unhonne kaha ki aagaami chunaav ke dauraan kaanoon vyavastha banaae rakhana aur Pakistan ki vitteeya sthiti unki antarim sarkaar ke liye sabse badi chunauti hai. Khoso baloochistaan praant ke jaafaraabaad jile mein goth aajam Khan khosa se taalluk rakhate hain aur vah baloochistaan haai court tatha sangheeya shariya adaalat, donon ke cheef Justice pad par apni sevaaen day chuke hain. Unhonne kaha ki vah sabhi raajaneetik dalon ke pratinidhiyon se mileinge aur aashvaasan dete hain ki chunaav nishpaksh honge. Allah ki ichha se sab kuchh theek hoga. Khoso ne kaha, 'Insha Allah chunaav samay par honge. Kaanoon vyavastha ki sthiti kharaab hai, lekin main kaanoon vyavastha ki sthiti sudhaarane ke liye kaaryavaahak praanteeya sarkaaron ke mukhyamantriyon se sampark karunga. ' Pakistan peepals party (peepeepi) ke netrutv waali sarkaar ka paanch varsh ka kaaryakaal 16 March ko khatm ho gaya. 342 sadasyon waali naishanal assembly aur chaar praanteeya assembly ke liye chunaav 11 May ko hone hain. Punjab, sindh, Khyber-pakhtoonakhva aur baloochistaan praant mein chunaav hone hain

Meer Hajaar Khoso Pak Ke Kaaryavaahak Pradhaanamantri Naamit https://www.angrejinews.com/pic/3489