Medical College Mein Bachchi Ki Maut Ke Baad Hangaama

India » Thursday, April 25, 2013

enabeeti news . Meerut medical college mein Budhvaar ko do din ke navajaat shishu ki maut ho gayi. Parijanon ka aarop hai ki shishu ki maut doctoron ki laaparavaahi se hui hai. Unka kehna hai ki pre-maichyor delivery ke baad shishu ko doctoron ne rediyent vaurmar mein rakha tha. Rediyent vaurmar ka tapamaan jyaada badh jaane se bachchi jhulas gayi aur usane dam tod diya. Parijanon ne is maamale ko lekar hangaama kiya. Medical college ke principle ka gheraav kar Doctor ke khilaaf kaarravaai ki maang ki. Principle ne poore maamale ki jaanch kar uchit kaarravaai ka bharosa diya hai. Mujaffaranagar ke khatauli kshetr nivaasi mahaboob Ali ne apni garbhavati patni ko delivery ke liye medical college mein bharti karaaya tha. 22 April ko unki patni ne ek bachchi ko janm diya. Doctoron ne bachchi ko preemaichyor delivery bataaya. Unhonne bataaya ki bachchi ka vajan mahaj 1400 gram hai aur uske shareer ka taapamaan bhi kam hai, isliye use rediyent vaurmar mein rakh diya gaya hai. Budhvaar ko us bachchi ki maut ho gayi. Usaki maut ki khabar par uske parijan bhadak gaye. Unka aarop hai ki bachchi ki maut doctoron ki laaparavaahi ki vajah se hui hai. Unka aarop hai ki rediyent vaarmar ko teinparechar badh jaane ke kaaran usamein rakhi hui bachchi jhulas gayi, jisse usaki maut ho gayi. Parijanon ka yah bhi kehna hai ki unhonne rediyent vaurmar ka taapamaan jyaada hone ki baat doctoron se kahi thi, lekin tab unhein yah kehkar chup kara diya gaya ki Doctor tum ho ya ham hain. Parijanon ka aarop hai ki unki bachchi ki haalat bigadne ke baavajood koi bhi senior Doctor bachchi ko dekhne nahi aaya. Parijanon ne is baat ko lekar hangaama kiya. Unhonne medical college ke principle se milkar doshi Doctor ke khilaaf kaarravaai ki maang ki. Parijanon ka kehna hai ki praachaarya ne unhein jaanch kara kar doshi ke khilaaf kaarravaai ka aashvaasan diya hai. Is vishay par medical college ke kisi bhi Doctor ne baat karne se inkaar kar diya. Unhonne itna jaroor kaha ki bachchi ki maut laaparavaahi ki vajah se naheen hui hai.