May Ke Ant Tak Lalit Modi Par Report Degi Anushaasanaatmak Samiti

Cricket »

May Ke Ant Tak Lalit Modi Par Report Degi Anushaasanaatmak Samiti

nai Delhi. . Poorv IPL aayukt lalit Modi ke khilaaf kathit aniyamitataon ki jaanch kar rahi teen sadasyeeya samiti ke May ke ant tak BCCI ko apni sifaarishein dene ki ummeed hai. Teen sadasyeeya samiti ne somvaar ko yahaan hui apni baithak mein Modi aur BCCI ka pratinidhitv kar rahe vakeelon ka paksh rekaurd kiya. Ek sootr ne kaha, 'Panel ne sabhi pakshon ki baat suni. Isne Modi ko apna antim javaab dene ke liye 15 din ka samay diya hai. ' sootron ne kaha ki Modi ka antim javaab milne ke baad samiti ke agale maheene ke ant tak apna antim faisala karne ki ummeed hai. Samiti BCCI ko apni sifaarishein saunpegi, jo Modi ke bhaagya par antim faisala karegi. Modi ka pratinidhitv kar rahi kaanooni team ne samiti dvaara ki ja rahi 'Anaavashyak jaldabaaji' par aapatti vyakt ki. Modi suraksha dhamakiyon ke kaaran London mein rah rahe hain, vah 20 April tak apni 229 panne ka javaab saunp naheen sake the kyonki unke vakeel ne kaha tha ki vah dant chikitsa karva rahe the. Arun jetali, jyotiraaditya sindhiya aur chiraayu ameen ke anushaasanaatmak panel ne July 2010 se iski sunavaai shuroo ki thi, jisse do maheene pehle Modi ko kathit aniyamitataon ke kaaran IPL aayukt pad se nilambit kar diya gaya tha. Panel ne isse pehle 22 aur 23 April ko baithak ki thi. Modi par IPL freinchaaiji mein chhadm hissedaari samet 15 aarop lage hain.

May Ke Ant Tak Lalit Modi Par Report Degi Anushaasanaatmak Samiti https://www.angrejinews.com/pic/7219