Mausa Par 8 Maheene Tak Rape Karne Ka Aarop

India »

Mausa Par 8 Maheene Tak Rape Karne Ka Aarop

ek samvaadadaata. Bulandashahar. . Ek yuvati ne apne mausa par 8 maheene tak dara-dhamakaakar rape karne ka aarop lagaaya hai. Yuvati ke maama ki tahareer par police ne mausa ke khilaaf case darj kar liya hai. Aaropi filhaal faraar hai. Police ne yuvati ko medical jaanch ke liye bhej diya hai. Bataaya ja raha hai ki nagar kotavaali sthit chaandapur muhalla nivaasi fajaloo ki patni ki 2 varsh pehle maut ho gayi thi. Fajaloo ki badi saali amaroha mein rahati hai. Aarop hai ki fajaloo 8 maheene pehle apni saali ki badi beti (20) ko padhaane ke bahaane apne ghar le aaya tha. Aarop hai ki mausa ne apne ghar laane ke baad usaka haath-pair baandhakar rape kiya aur apne mobile se usaki ashleel vidiyo clip bana li. Uske baad usaka mausa use blaikamel karte hue 8 maheene tak rape karta raha. 8 maheene baad ladki ka maama usase milne bulandashahar aaya. Ladki ke pet mein dard hone par Doctor ne bataaya ki vah 7 maheene ki garbhavati hai. Is par yuvati ka mausa Doctor ke kleenik se faraar ho gaya. Peedita apne maama ke saath somvaar ki subah nagar kotavaali pahunchi aur police mein mausa ke khilaaf rape ka maamala darj karaaya. Police ne yuvati ko medical pareekshan ke liye bhej diya. Virodh karne par hoti thi pitaai: Peedita ne police ko di tahareer mein bataaya ki mausa ki ashleel harkaton ka virodh karne par usaki pitaai ki jaati thi. Uske mausa ne usase nikaah karne ka vaada kiya tha, lekin garbhavati hone ki baat sunakar vah faraar ho gaya. Nagar kotavaali inchaarj ke. N. Mishra ne bataaya ki maamale mein kaarravaai ki ja rahi hai.

Mausa Par 8 Maheene Tak Rape Karne Ka Aarop https://www.angrejinews.com/pic/6437