Maudrik Sameeksha Byaaj Dar Aparivrtit Rakh Sakta Hai Reserve Bank

Breaking »

Maudrik Sameeksha  Byaaj Dar Aparivrtit Rakh Sakta Hai Reserve Bank

Nai Delhi: reserve bank mudraasfeeti par ankush lagaane ki jaroorat ke maddenajar aaj apni maudrik neeti ki sameeksha mein pramukh byaaj dar yathaavat rakh sakta hai. Mudraasfeeti filhaal oonchi bani hui hai. RBI Governor raghuraam raajan ne somvaar ko pradhaanamantri Narendra Modi se mulaakaat ki. Maana jaata hai ki unhonne Modi ke saath vruhad aarthik sthiti par charcha ki. 1 April ko apni pichhli sameeksha baithak mein raajan ne neetigat dar aath pratishat par yathaavat rakhi thi kyonki mudraasfeeti aath pratishat se oopar bani hui theen. April mein khaadya mudraasfeeti 9.66 pratishat aur khudara mudraasfeeti 8.59 pratishat par thi. vitt mantri arun jetali ne Facebook par daale post mein aarthik vruddhi mein teji bahaal karne va mudraasfeeti par ankush lagaane par jor diya hai. Bhaarat ki aarthik vruddhi dar lagaataar doosare saal paanch pratishat se neeche rahi. Varsh 2013.14 mein yeh 4.7 pratishat rahi. Haalaanki, udyog jagat ko Modi ki aguvaai mein sthaayi sarkaar banane ke saath vruddhi dar mein teji lautane ki ummeed hai. dan end braidastreet India ke varishth arthashaastri arun Singh ne kaha ki reserve bank dvaara kal byaaj darein aparivrtit rakhe jaane ki sambhaavana hai. Indian overseas bank ke Chairman va prabandh nideshak M Narendra ne kaha ki reserve bank dvaara yathaasthiti barkaraar rakhe jaane ki ummeed hai kyonki mudraasfeeti ab bhi oonchi hai aur monsoon ke kamjor rahane ka khatra hai. haalaanki, Assocham ne kaha ki thok moolya soochakaank aadhaarit mudraasfeeti ke nichle star par rahane se reserve bank ke liye byaaj dar ghataane ki gunjaaish hai.

Maudrik Sameeksha Byaaj Dar Aparivrtit Rakh Sakta Hai Reserve Bank https://www.angrejinews.com/pic/52619