Masood Par Cheen Ka Veto, Rahul Ne Uthaae Modi Ki Neeti Par Savaal, BJP Boli- Congress Adhyaksh Itne Khush Kyon Hain

Breaking »

Masood Par Cheen Ka Veto, Rahul Ne Uthaae Modi Ki Neeti Par Savaal, BJP Boli- Congress Adhyaksh Itne Khush Kyon Hain

Nai Delhi Aatankvaadi sangathan jaish-A-mohammad ke saragana masood Azhar ko vaishvik aatankvaadi ghoshit karaane ke prayaas mein cheen ke adnge par siyaasi sangraam shuroo ho gaya hai. Congress adhyaksh Rahul Gandhi ne guruvaar ko aarop lagaaya ki pradhaanamantri Narendra Modi cheen ke raashtrapati shi chinfing se dare hue hain aur cheen ke khilaaf unke munh se ek shabd naheen niklata hai. Iske baad BJP ne Rahul par palatavaar karte hue tanj kasate hue kaha ki jab desh dukhi hota hai to fir vah itne khush kyon hote hain. BJP ne iske saath hi Rahul par kuchh savaal bhi daage. Rahul ne kya kaha Congress adhyaksh Rahul Gandhi ne tweet kar kaha, 'Kamjor Modi shi chinfing se dare hue hain. Jab cheen Bhaarat ke khilaaf kadam uthaata hai to unke munh se ek shabd naheen niklata hai. ' unhonne daava kiya, 'Modi ki cheen kootaneeti : Gujarat mein shi ke saath jhoola jhoolana, Delhi mein gale lagaana, cheen mein ghutne tech dena rahi. ' bata dein ki cheen ne sanyukt raashtra suraksha parishad mein Azhar ko vaishvik aatanki ghoshit karne vaale prastaav par takaneeki rok laga di thi. 'Bhaarat ko peeda hoti hai, Rahul ko khushi kyon hoti hai? ' Rahul Gandhi par nishaana saadhate hue BJP pravakta ravishankar prasaad ne kaha ki jab Bhaarat ko peeda hoti hai to Rahul Gandhi ko khushi kyon hoti hai? Unhonne kaha, 'Raajaneeti mein virodh hona chaahiye, lekin aatankvaad ke masale par is tarah ka ravaiya? Aakhir Rahul Gandhi ko ho kya gaya hai? ' unhonne aage kaha ki 2009 mein UPA dvaara masood Azhar par ban lagavaane ke prayaas ke dauraan cheen ne yahi ravaiya apnaaya tha tab Rahul Gandhi ne tweet kyon naheen kiya tha. Kya masood Azhar jaise nrushans hatyaare ke maamale mein Congress ka svar doosra hoga? Rahul Gandhi ke tweet se aisa lagta hai ki… https: //t. Co/ddXSdqzYi5— BJP (@BJP4India) 1552547270000 Prasaad ne iske saath hi tanj kasate hue kaha ki Rahul Gandhi ke to cheen se achhe sambandh hain. Dokalaam mudde par vah cheeni doot se mulaakaat karte hain. Isliye masood Azhar ke mudde par vah apne sambandhon ka prayog karke cheen ko kyon naheen samajhaate. Unhonne, 'Pulavaama hamle ke baad Rahul Gandhi sirf 2 din tak sarkaar ke saath khade rahe. Uske baad unhonne air strike par savaal utha diye. Unke neta iska saboot maang rahe hain. ' Iske alaava BJP ne tweet kar kaha, 'Cheen sanyukt raashtra suraksha parishad ka hissa na ban paata, agar aapke graindafaadar ne Bhaarat ki keemat par unhein yeh 'Gift' na diya hota. Bhaarat aapke parivaar dvaara ki gayi galatiyon ko sudhaar rahe hain. Nishchint rahein ki aatank ke khilaaf ladaai mein Bhaarat vijayi hoga. Yeh sab PM Modi par chhod deejiye aur cheeni raajadooton ke saath apni gupt mulaakaat jaari rakhein' China wouldn'T be in UNSC had your great grandfather not 'Gifted' it to them at India'S cost. India is undoing all… https: //t. Co/v5dbUDvOBK— BJP (@BJP4India) 1552541241000 Is par Congress ki pravakta Priyanka chaturvedi ne kaha, 'Ravishankar prasaad ji chaahate hain ki Rahul Gandhi cheen par dabaav banaaen ki vah masood ko vashvik aatanki ghoshit kare. Chinta mat keejiye, ham jaise hi 2019 mein kaam sambhaalenge, aisa hi kareinge. ' unhonne kaha, 'Log jaante hain ki BJP mahaajhoothon ki party hai, ravishankar prasaad ji ne yeh ek baar fir saabit kar diya hai. Nehru ne Bhaarat ko UNSC se baahar naheen rakha ya kainedi ka ofar reject naheen kiya. Yeh sirf bayaanbaaji hai. ' Ravi Shankar Prasad ji wants Rahul Gandhi ji to build pressure on China to designate Masood Azhar as a global terro… https: //t. Co/oqc0qagKN1— Priyanka Chaturvedi (@priyankac19) 1552547318000 Bata dein ki Pakistan se sanchaalit aatankvaadi sangathan jaish-A-mohammad ke saragana masood Azhar ko sanyukt raashtra suraksha parishad (UNSC) dvaara vaishvik aatankvaadi ghoshit karne ki raah mein cheen ne ek baar fir adnga laga diya hai. Masood ko vaishvik aatanki ghoshit karne ke prastaav par faisale se kuchh minute pehle cheen ne veto ka istemaal karte hue prastaav par rok laga di. Aapko bata dein ki 2017 mein bhi cheen ne aisa hi kiya tha. Beete 10 saal mein sanyukt raashtra mein Azhar ko vaishvik aatanki ghoshit karaane ka yeh chautha prastaav tha. Nai Delhi mein videsh mantraalaya ne is ghatnaakram par pratikriya jaahir karte hue kaha, 'Ham niraash hain. Lekin ham sabhi upalabdh vikalpon par kaam karte raheinge, taaki yeh sunishchit kiya ja sake ki bhaarateeya naagrikon par hue hamlon mein shaamil aatankvaadiyon ko nyaaya ke kathaghare mein khada kiya jaae. ' mantraalaya ne kaha, 'Ham un deshon ke aabhaari hain jinhonne Azhar ko vaishvik aatankvaadi ghoshit karaane ki kavaayad mein hamaara samarthan kiya hai. '

Masood Par Cheen Ka Veto, Rahul Ne Uthaae Modi Ki Neeti Par Savaal, BJP Boli- Congress Adhyaksh Itne Khush Kyon Hain https://www.angrejinews.com/pic/261118