Masood Par Ban Ke Virodh Ka Cheen Ne Kiya Bachaav, Kaha- Ham Chaahate Hain Ki Vaarta Se Nikle Hal

Breaking »

Masood Par Ban Ke Virodh Ka Cheen Ne Kiya Bachaav, Kaha- Ham Chaahate Hain Ki Vaarta Se Nikle Hal

Peiching Cheen ne Pakistan mein sakriya aatanki sangathan jaish-A-mohammad ke saragana masood Azhar ko global terarist ghoshit karaane par adnge ka bachaav kiya hai. Cheen ne kaha ki isse masale ka sthaayi samaadhaan nikaalne ke liye sambandhit pakshon, Bhaarat aur Pakistan, ke beech vaarta mein madad milegi. Yeh poochhe jaane par ki cheen ne masood ko vaishvik aatankvaadi ghoshit kiye jaane ke kadam ko ek baar fir kyon baadhit kiya, cheen ke videsh mantraalaya ke pravakta lu kaang ne kaha ki peiching ka faisala samiti ke niyamon ke anusaar hai. Unhonne kaha ki cheen ko 'Vaastav mein yeh ummeed hai ki is samiti ke praasangik kadam sambandhit deshon ki madad kareinge ki ve vaarta evam vichaar-vimarsh karein aur kshetreeya shaanti evam sthirta ke liye aur jatilta paida na ho. ' lu ne kaha, 'Jahaan tak 1267 samiti mein takaneeki rok ki baat hai, to humne yeh sunishchit karne ke liye kadam uthaaya hai ki samiti ke paas maamale ke adhyayan ke liye uchit samay ho aur sambandhit pakshon ko vaarta aur vichaar-vimarsh ke liye samay mil sake. ' Masood par 'Cheen ki deevaar' se anya 4 desh naaraaj Cheeni pravakta ne kaha, 'Sabhi pakshon ke liye sveekaarya samaadhaan hi is masale ke sthaayi samaadhaan ka avsar muhaiya kara sakta hai. Cheen is maamale se uchit tareeke se nipatne ke liye Bhaarat samet sabhi pakshon se baatcheet evam samanvaya ke liye taiyaar hai. ' Bhaarat ne masood ko vaishvik aatankvaadi ghoshit kiye jaane ke kadam ko cheen ki or se takaneeki roop se baadhit kiye jaane ke baad niraasha jataai thi. Gaurtalab hai ki cheen ne sanyukt raashtra suraksha parishad mein masood ko vaishvik aatankvaadi ghoshit karne sambandhi prastaav par Budhvaar ko takaneeki rok laga di. France, Britain aur America ne sanyukt raashtra suraksha parishad ki '1267 al kaayada pratibandh samiti' ke tahat masood ko aatankvaadi ghoshit karne ka prastaav 27 February ko pesh kiya tha. Jammu-Kashmir ke pulavaama mein 14 February ko jaish-A-mohammad ke aatmaghaati hamlaavar ne CRPF ke kaafile par hamla kiya tha, jismein 40 javaanon ki maut ho gayi thi. Chauthi baar masood Azhar ke saath khada hua cheen, lagaaya veto Is hamle ke kaaran Bhaarat aur Pakistan ke beech tanaav badh gaya hai. Samiti ke sadasyon ke paas prastaav par aapatti jataane ke liye 10 kaamkaaji din ka vakt tha. Yeh samay seema khatm hone se theek pehle cheen ne prastaav par 'Takaneeki rok' laga di aur prastaav ki padtaal karne ke liye aur vakt ki maang ki. Kashmir par kaha, yeh Bhaarat aur Pak ke beech ka masala Unhonne Kashmir maamale par kaha ki cheen ka rukh spasht evam sthir hai. Lu ne kaha, 'Yeh Bhaarat evam Pakistan ke beech ka maamala hai. Hamein ummeed hai ki donon paksh mitravat vaarta kareinge aur is maamale evam anya sambandhit maamalon ko sulajhaaenge. '

Masood Par Ban Ke Virodh Ka Cheen Ne Kiya Bachaav, Kaha- Ham Chaahate Hain Ki Vaarta Se Nikle Hal https://www.angrejinews.com/pic/261161