Maruti Suzuki Ka Munaafa 80 Parseint Badha

Business »

Maruti Suzuki Ka Munaafa 80 Parseint Badha

Mumbai. . Maruti Suzuki India ka munaafa pichhle 31 March ko khatm hue vitteeya varsh ki chauthi timaahi mein 79.4 feesad badhkar 1,147.5 karod rupae ho gaya. Maruti ki bikri mein bhaari uchhaal I hai. Bikri 9.4 feesad badhkar 12,566.6 karod rupae ki rahi. Maruti Suzuki ka kehna hai ki yen ki kamjori, nai kaaron ki bikri badhne aur kharchon mein katauti ke chalte munaafa badha hai. Vitt varsh 2013 passenger gaadiyon ki bikri ke lihaaj se chunauti bhara raha. Vitt varsh 2013 mein Maruti Suzuki ki baajaar hissedaari 1 feesadi badhkar 39.1 feesadi rahi. Saalaana aadhaar par Maruti Suzuki ki vitt varsh 2013 mein diesel gaadiyon ki bikri 48 feesadi se badhkar 58 feesadi rahi. Saal dar saal aadhaar par chauthi timaahi mein Maruti Suzuki ki anya aay 297 karod rupae se badhkar 399 karod rupae rahi. Maruti Suzuki ne 8 rupae prati share ka divideind dene ka ailaan kiya hai. Saalaana aadhaar par chauthi timaahi mein Maruti Suzuki ki ghareloo bikri 3.21 lakh unit se ghatkar 3.08 lakh unit rahi. Vitt varsh 2013 ki chauthi timaahi mein Maruti Suzuki ka raajasv 13.4 feesadi badhkar 13,304 karod rupae par pahunch gaya hai. Vitt varsh 2012 ki chauthi timaahi mein Maruti Suzuki ka raajasv 11,727 karod rupae raha tha.

Maruti Suzuki Ka Munaafa 80 Parseint Badha https://www.angrejinews.com/pic/6858