Maruti Ki Bikri March Mein Paanch Feesadi Giri

Business » Tuesday, April 2, 2013

Nai Delhi. . Desh ki sabse badi car company Maruti Suzuki India ne kaha ki usaki kul bikri March mein 4.78 feesadi ghatkar 1,19,937 unit rah gayi, jo pichhle saal ke isi maheene mein 1,25,952 unit thi. Maruti Suzuki India ne ek bayaan mein kaha ki vitt varsh 2012-13 ke dauraan company ki kul bikri 3.33 feesadi badhkar 11,71,434 unit ho gayi. March 2013 mein ghareloo baajaar mein Maruti ne 1,07,890 gaadiyon ki bikri ki, jo March 2012 mein biki 1,12,724 gaadiyon ke mukaabale 4.29 feesadi kam hai. MSI ke cheef maarketing officer (maarketing aind sales) mayank paareekh ne kaha, 'Is saal March mein saalaana star par bikri kam hui hai lekin pichhle 12 maheene mein bikri ka yah aankada sabse adhik hai. Shaayad baajaar narami ke daur se baahar aa gaya aur ham chaaloo vitt varsh ki doosari timaahi ke dauraan thoda sudhaar dekh sakte hain. ' March mein Maruti ka eksaport 8.93 feesadi ghatkar 12,047 unit rah gaya, jabki pichhle saal ki isi maheene mein yah 13,228 unit tha.