Mareens Vivaad Italy Ke Videshi Mantri Ka Isteefa
World » Wednesday, March 27, 2013
PTI. Rom Italy ke videsh mantri gyuliyo teraji ne mangalvaar ko apne pad se isteefa day diya. Bhaarateeya machhuaaron ki hatya ke do aaropi Italy ke mareens ko Bhaarat vaapas bheje jaane ko lekar vahaan sarkaar ki kaafi kirkiri hui hai. Isse paida hue vivaad ke chalte unhein isteefa dena pada. Itailiyn news agency eenaesae ne yah jaankaari dete hue bataaya ki videsh mantri ne apne isteefe ki ghoshana sansad mein ki. 66 saal ke videsh mantri teraji ne sansad ko bataaya ki mareens ko vaapas bhejane se paida hue vivaad ki vajah se mainne isteefa day diya hai. Is sambandh mein mainne pehle jo shak jataaya tha, usaka mareens ko bheje jaane ke faisale par koi asar naheen padega. Italy ke do mareens par pichhle saal Kerala ke samudri tat par do machhuaaron ki hatya ka aarop hai. Mareens ne in machhuaaron ko samudri daakoo samjha tha. Is mudde par donon deshon ke beech pichhle 11 din tak vivaad chala. Bhaarat ne jab Italy ko aashvast kar diya ki in mareens ko na to giraftaar kiya jaaega aur na hi inhein mrutyudand diya jaaega, tab Italy ne mareens ko 22 March ko Bhaarat bhej diya. Donon mareens maisamilaano laatoore aur saalvaator girone ko Bhaarat tak Italy ke dipti videsh mantri steefaan di mistoora lekar aae. Isse pehle bhaarateeya Supreme court ne donon mareens ko Italy vaapas lautane ki ijaajat is shart par di thi ki ve Italy ke chunaav ke baad laut aaenge. Lekin iske baad Italy mukar gaya. Usane kaha ki vah apne mareens ko vaapas naheen bhejega. Italy ke is you-turn ke baad vivaad tabhi khatm huaa jab Bhaarat se Italy ko poora aashvaasan mil gaya. Itna hi naheen is sambandh mein special court banaakar is maamale ko jald se jald niptaane ka bhi aashvaasan diya gaya. Haalaanki bhaarateeya videsh mantri Salman khursheed ne kaha ki is silsile mein mareens ke badle Italy se koi deal naheen ki gayi hai. Lekin Bhaarat sarkaar ne Italy sarkaar ko yah jaroor spasht kiya hai ki jis dhaara mein case darj kiya gaya hai, usamein mrutyudand naheen milta hai