March Mein Vanaspati Tel Ka Aayaat 26 Pratishat Badha

Business »

March Mein Vanaspati Tel Ka Aayaat 26 Pratishat Badha

Nayi Delhi, 15 April (bhaasha) Bhaarat ke vanaspati tel ka aayaat March ke dauraan 26 pratishat badhkar 14.46 lakh tan ho gaya. Iski vajah rifaaind paamatel ka aayaat badhna hai. Rifaaind paamatel ke badhte aayaat par chinta vyakt karte hue, saulveint eksatraiktars association of India (esaie) ne maang ki hai ki kisaanon aur saath hi khaadya tel prasanskaranakartaaon ki sanraksha ke liye kachche aur rifaaind tel ke beech shulk antar ko badhaaya jaana chaahiye. Esaie ne kaha ki aankadon ke mutaabik, March 2019 mein khaadya tel ka aayaat badhkar 13,93,255 tan ho gaya, jo ek saal pehle ki samaan avadhi mein 11,22,685 tan tha. Akhaadya telon ka aayaat doguna hokar 53,302 tan ho gaya jo pehle 23,366 tan tha. Esaie ne kaha, "Ek January, 2019 se vitt mantraalaya ne paam tel par aayaat shulk kam kar diya aur iske alaava Malaysia se aayaat hone vaale kachche paamatel aur paamoleen ke beech shulk antar ko 10 pratishat se ghataakar 5 pratishat kar diya tha. '' usane kaha, "Jaisa ki anumaan tha, aashankaaen sach saabit hone lagi hain aur Bhaarat mein Malaysia se aarabeedi paamolin ka aayaat badh gaya hai. Malaysia se liye gaye seepeeo (kachche paam tel) aur paamoleen ke beech shulk antar kam kiye jaane se aarabeedi paamolin ka aayaat badh raha hai jo December 2018 ke 1,30,000 tan ke aayaat se badhkar March 2019 mein 3,00,000 tan se adhik ho gaya. '' is ghatnaakram se Bhaarat mein paamatel parishodhan udyogon ke liye khatre ki ghanti hone ki sambhaavana hai. Association ne kaha ki is ghatnaakram ke kaaran sarason daana ki keemat gambhir roop se prabhaavit hui hai jo nyoonatam samarthan moolya se kaafi neeche chal raha hai isse sarason kisaanon ki aay prabhaavit hogi. Is sthiti ko sambhaalne ke liye ek January, 2019 se pehle prachalit seepeeo aur aarabeedi paamolin ke beech 10 pratishat ke shulk antar ko bahaal karne ki tatkaal aavashyakta hai. Esaie ne kaha, "November 2018 se March 2019 ke dauraan vanaspati telon ka samagr aayaat 63,09,406 tan ho gaya jo pichhle saal 59,31,829 tan ka hua tha.

March Mein Vanaspati Tel Ka Aayaat 26 Pratishat Badha https://www.angrejinews.com/pic/268076