March Mein Thok Mudraasfeeti Teji Se Ghatkar 5.96 Feesadi Hui

Business »

March Mein Thok Mudraasfeeti Teji Se Ghatkar 5.96 Feesadi Hui

Nai Delhi. . Sabjiyon ki keemat mein giraavat ke beech thok mudraasfeeti March mein teji se girkar 5.96 feesadi par aa gayi, jo iska teen saal ka nyoonatam star hai. Mudraasfeeti ka dabaav kam hone se reserve bank agale maheene aane waali apni saalaana maudrik neeti mein byaaj daron mein katauti par vichaar kar sakta hai. Thokamoolya soochakaank aadhaarit mudraasfeeti February, 2013 mein 6.84 feesadi aur March, 2012 mein 7.69 feesadi thi. Reserve bank ne is varsh March ke ant tak mudraasfeeti ke 6.8 feesadi rahane ka anumaan lagaaya tha. Mudraasfeeti mein giraavat aur February ka audyogik utpaadan ka growth rate ghatkar 0.6 feesadi par aa jaane ke maddenajar reserve bank agale maheene ikanaumik growth ko protsaahit karne ke liye neetigat byaaj daron mein katauti kar sakta hai. RBI teen May ko apni saalaana maudrik neeti ki ghoshana karega. Aaj jaari aadhikaarik aankade ke mutaabik March mein mainyufaikchard praudakt sector ki mudraasfeeti aanshik taur par ghatkar 4.07 feesadi par aa gayi. February mein yah 4.51 feesadi par thi. Thok moolya soochakaank mein 14.34 feesadi ka vetej rakhane vaale khaadya utpaadon sambandhi mudraasfeeti is maheene mein ghatkar 8.73 feesad rah gayi. Is sector ki mahangaai dar February mein 11.38 feesadi thi. Sabjiyon ki keemat teji se ghatne ke kaaran khaadya mudraasfeeti mein giraavat ko madad mili. Sabjiyon ki mudraasfeeti March mein shoonya se 0.95 feesadi kam thi, jo isse pichhle maheene 12.11 feesadi thi. Pyaaj ki keemat March ke maheene mein 94.85 feesadi badhi, jabki February mein iski mahangaai dar 154.33 feesadi thi. Chaaval ki mahangaai dar March mein ghatkar 17.90 feesadi rah gayi, jo pichhle maheene 18.84 feesadi thi. January maah ke sanshodhit aankadon ke anusaar thok moolya soochakaank par aadhaarit mudraasfeeti 7.31 feesadi thi. Ise praarambhik aankadon mein 6.62 feesadi bataaya gaya tha.

March Mein Thok Mudraasfeeti Teji Se Ghatkar 5.96 Feesadi Hui https://www.angrejinews.com/pic/5615