March Mein Niryaat 11 Pratishat Badha, Beete Vitt Varsh Mein Nau Pratishat Ki Vruddhi

Business »

March Mein Niryaat 11 Pratishat Badha, Beete Vitt Varsh Mein Nau Pratishat Ki Vruddhi

Nayi Delhi, 15 April (bhaasha) desh ke niryaat mein achhi vruddhi darj ki gayi hai. Niryaat March mein 11 pratishat badhkar 32.55 arab dollar par pahunch gaya. Yeh October, 2018 se niryaat mein sabse badi maasik vruddhi hai. Us samay niryaat 17.86 pratishat badha tha. Pharma, rasaayan aur engineering jaise kshetron mein oonchi vruddhi ki vajah se kul niryaat badha hai. Somvaar ko jaari aadhikaarik aankadon ke anusaar poore vitt varsh 2018-19 mein niryaat nau pratishat badhkar 331 arab dollar par pahunch gaya hai. March, 2018 mein niryaat ka aankada 29.32 arab dollar raha tha. Aalochya maheene mein aayaat bhi 1.44 pratishat badhkar 43.44 arab dollar raha. Haalaanki, is dauraan vyaapaar ghaata kam hokar 10.89 arab dollar par aa gaya, jo March, 2018 mein 13.51 arab dollar tha. sone ka aayaat March mein 31.22 pratishat badhkar 3.27 arab dollar par pahunch gaya. Kachche tel ka aayaat 5.55 pratishat ki vruddhi ke saath 11.75 arab dollar raha. poore vitt varsh 2018-19 mein aayaat 8.99 pratishat badhkar 507.44 arab dollar raha. Vitt varsh ke dauraan vyaapaar ghaata badhkar 176.42 arab dollar raha, jo 2017-18 mein 162 arab dollar tha. vaanijya mantraalaya ne bayaan mein kaha ki pichhle teen vitt varshon ke dauraan niryaat mein lagbhag ek jaisi vruddhi hui hai. Vitt varsh 2018-19 mein niryaat ka aankada 331.02 arab dollar rahane ka anumaan hai. Yeh kisi vitt varsh mein niryaat ka sabse ooncha aankada hai. Isse pehle 2013-14 mein niryaat 314.4 arab dollar raha tha. vitt varsh ke dauraan jin kshetron mein ullekhaneeya vruddhi hui unamein petrolium 28 pratishat, plastic 25.6 pratishat, plastic 25.6 pratishat, rasaayan 22 pratishat, faarmaasyutikls 11 pratishat aur engineering 6.36 pratishat shaamil hain. aankadon ke anusaar April-March, 2018-19 mein kachche tel ka aayaat 29.27 pratishat badhkar 140.47 arab dollar par pahunch gaya. Vaheen gair tel aayaat 2.82 pratishat ki vruddhi ke saath 366.97 arab dollar raha. bhaarateeya vyaapaar sanvarddhan parishad (teepeeseeaai) ke Chairman mohit singala ne kaha ki vaishvik chunautiyon ke baavajood niryaat ka pradarshan ab tak ka sabse achha raha hai. unhonne kaha ki hamein khaadya jins jaise nae utpaadon par dhyaan keindrit karna chaahiye jisse vruddhi adhik tikaaoo ho sake. niryaatakon ke pramukh sangathan fiyo ke adhyaksh ganesh Kumar gupta ne kaha ki sanrakshanavaad, kathin vaishvik sthiti aur ghareloo morche par adchanon ke baavajood niryaat badha hai. gupta ne kaha ki niryaatakon ko rin ke pravaah, shodh evam vikaas ke liye oonchi kar katauti, jeeesati se poori tarah chhoot, videshi paryatakon ko bikri par laabh jaise samarthan tatkaal upalabdh karaane ki jaroorat hai. mantraalaya ne kaha ki 2016-17 se kul niryaat (vastuon aur sevaaon ka milaakar) lagaataar badh raha hai. 2018-19 mein yeh pehli baar 500 arab dollar ke aankade ko paar kar gaya. vastuon aur sevaaon ka kul niryaat 2018-19 mein 7.97 pratishat ki vruddhi ke saath 535.4 arab dollar rahane ka anumaan hai. Haalaanki, aankadon ke anusaar February, 2019 mein seva niryaat 6.54 pratishat ghatkar 16.58 arab dollar rah gaya. Is dauraan sevaaon ka aayaat bhi 11 pratishat ghatkar 9.81 arab dollar par aa gaya.

March Mein Niryaat 11 Pratishat Badha, Beete Vitt Varsh Mein Nau Pratishat Ki Vruddhi https://www.angrejinews.com/pic/268143