Mapr Mein Bheed Ne Railway Station Foonka, Do Ki Maut
Breaking » Tuesday, February 26, 2013
Bhopal: Madhya pradesh ke vidisha jile mein do bachchon ki rel se katakar maut hone par gussaai bheed ne gulaabaganj railway station mein jamkar utpaat machaaya aur kamre mein bandakar aag laga di. Is aag mein jhulase teen logon mein se do ki maut ho gayi. Vaheen railway karmachaariyon ki hadtaal ke chalte Bhopal se chaar ghante tak koi rel naheen gujar saki. Jaankaari ke anusaar, mangalvaar ki subah vidisha ke gulaabaganj railway station ke kareeb rel patari ko paar karte vakt do bachche tirupati-nijaamuddeen express ki chapet mein aa gaye aur unki maut ho gayi. Is ghatna se graameenon ka gussa foot pada. Railway station par jama hui bheed ne pehle kaaryaalaya mein todfod ki aur railway station prabandhak sanket bansal se maarapeet ki. Unke bachaav ke liye aae anya railway karmi Bhagwan das va anya ko bhi peeta. Itna hi naheen, bheed ne sabhi ko kaaryaalaya mein band kar aag laga di. Bhopal mandal ke janasanpark adhikaari ke. Dube ne bataaya hai ki is agnikaand mein gambhir roop se jhulase bhagavaanadaas va ek anya ki maut ho gayi hai. Vaheen bansal ka Bhopal ke niji aspataal mein upachaar chal raha hai. Unki haalat gambhir bani hui hai. Gulaabaganj mein hue utpaat ke baad traafik signal prabhaavit huaa aur railway parichaalan par asar pada. Saathi karmachaariyon ke saath hui is ghatna ki khabar milte hi Bhopal ke railway karmachaari hadtaal par chale gaye hain. Isse railway station ki saari sevaaen poori tarah charamara gain, rel ka parichaalan poori tarah thap pad gaya. Kai gaadiyon ko Bhopal se pehle hi rokana pada. Karmachaariyon ki hadtaal ke chalte Bhopal railway station par tamaam sevaaen poori tarah band ho gain aur yaatriyon ko gaadiyon ke aane jaane ki jaankaari se lekar tikt tak naheen mil sake. Nai Delhi-Bhopal shataabdi express bhi lagbhag do ghante ki deri se I. Karmachaariyon ke chalte Bhopal ke railway station chaar ghante se koi bhi yaatri gaadi naheen gujri, karmachaari apni suraksha ka bharose ka aashvaasan chaahate the. Railway ke mandal prabandhak sahit anya adhikaariyon ki or se aashvaasan milne par karmachaari kaam par laut aae.