Mantriyon Ke Liye 'Aachaar Neeti Sanhita Ke Paksh Mein Hai Jeeoem

Breaking »

Mantriyon Ke Liye 'Aachaar Neeti Sanhita Ke Paksh Mein Hai Jeeoem

Nai Delhi: Mantriyon ke ek samooh (jeeoem) ne mantriyon ke liye aachaar neeti sanhita tatha sarkaari adhikaariyon ke liye aacharan sanhita banaane par vichaar kiye jaane ki sifaarish ki hai. Prashaasanik sudhaar aayog (eaarasi) prashaasanik sevaaon ki raajaneetik tatasthata tatha nishpakshata ko sanrakshit karne ke baare mein pehle hi sujhaav day chuka hai. Rakshaamantri AK Antony ki aguvaai vaale mantri samooh ki mangalvaar ko hui baithak mein eaarasi ki 10veen report ki sifaarishon par vichaar kiya gaya. Aadhikaarik sootron ne bataaya ki mantri samooh ne prashaasanik sudhaar evam lok shikaayat vibhaag se agali baithak se pehle is baare mein apni report ko antim roop dene ko kaha hai. Baithak mein shaamil mantri samooh ke sadasyon ne kaha ki is tarah ki sanhita jaroori hai aur isse afasarashaahi aur mantriyon ke beech aur adhik tatasth tatha paaradarshi kaarya sambandh sthaapit karne mein madad milegi. Eaarasi ne apni sifaarishon mein kaha hai, civil sevaaon mein raajaneetik tatasthata tatha nishpakshata ko kaayam rakhana jaroori hai. Iski jimmedaari mantriyon tatha adhikaariyon donon ki hai. Mantriyon aur sarkaari karmachaariyon ke liye aacharan sanhita mein is pahaloo ko shaamil kiya jaana chaahiye. Yahaan ullekhaneeya hai ki isse pehle sarkaar isi baare mein eaarasi dvaara 'Sanchaalan mein naitikta' sheershak se chauthi report mein is tarah ki sifaarish ko khaarij kar chuki hai. Chauthi report mein sujhaav diya gaya hai ki mantriyon ke liye maujooda aacharan sanhita ke alaava ismein yah bhi nirdeshan diya jaana chaahiye ki mantri kis tarah apne kaamkaaj mein samvaidhaanik aur naitikta ke vyavahaar ke oonche maapdand ka paalan kar sakte hain. Ismein pradhaanamantri kaaryaalaya tatha mukhyamantriyon ke kaaryaalayon mein aachaar sanhita ke anupaalan ke maamale mein mantriyon par ki nigraani ke liye vishesh prakoshth ke gathan ka bhi sujhaav diya gaya tha. Us samay eaarasi ki sifaarishon ko khaarij karte hue sarkaar ne kaha tha is vishay par gathit adhikaar praapt samiti ne vichaar kiya tha aur paaya gaya ki naitik aasaar sanhita ki koi jaroorat naheen hai, kyonki pehle hi ek aachaar sanhita laagoo hai. Eaarasi ki 10veen report par krushimantri sharad Pawar, vittamantri pi Chidambaram, gruhamantri susheel Kumar shinde aur petrolium evam praakrutik gas mantri veerappa moili vaale mantri samooh ne vichaar kiya. Samooh ke anya sadasyon mein shahari vikaas mantri Kamalnath, sanchaar evam IT mantri Kapil sibbal, sadak parivhan evam raajamaarg mantri CP Joshi, saamaajik nyaaya evam adhikaarita mantri kumaari shailaja, graameen vikaas mantri jayaraam ramesh aur kaarmik, lok shikaayat evam peinshan raajyamantri vi naaraayanasaami hain.

Mantriyon Ke Liye 'Aachaar Neeti Sanhita Ke Paksh Mein Hai Jeeoem https://www.angrejinews.com/pic/11905