Mantriyon Ke Isteefe Tak Bill Paas Naheen Hone Deinge Sushma

Breaking »

Mantriyon Ke Isteefe Tak Bill Paas Naheen Hone Deinge Sushma

nai Delhi. . Apne do mantriyon ke vivaadon mein fansane se buri tarah ghiri UPA sarkaar ke khilaaf vipaksh ne seedha morcha khol diya hai. Somvaar ko Loksabha mein vipaksh ki neta Sushma Swaraj ne saaf ailaan kar diya ki jab tak railway ghoosakaand mein fanse rel mantri pavan Kumar bansal aur CBI ki status report badalavaane vaale kaanoon mantri ashvini Kumar isteefa naheen deinge, tab tak koi bhi bill paas naheen hone diya jaaega. Unhonne sarkaar ke khaadya suraksha bill par jabaran charcha karaane ki koshish ki bhi ninda ki. Gaurtalab hai ki Loksabha mein somvaar ko mantriyon ke isteefe ki maang ko lekar ho rahe hangaame ke beech sarkaar ne khaadya suraksha bill par charcha shuroo karva di thi. Bansal ke liye 'Maamoo maamoo' ke naaron ke saath vipakshi sadasyon ne is par hangaama kar diya, jisse bill par charcha adhoori hi rah gayi. Sushma Swaraj ne kaha ki donon mantriyon ke isteefe ke mudde par poora vipaksh ekajut hai. Unhonne kaha ki UPA sarkaar ke mantri baahar bhashtaachaar karte hain aur andar lokatantr par atyaachaar karte hain. Sushma ne kaha ki sarkaar ne aaj jis tarah se khaadya suraksha bill jabaran paas karavaane ki koshish sarkaar vah daraasal uske apne kaaranaamon se dhyaan hataane ki koshish hai. Unhonne kaha 'Jahaan tak bilon ka savaal mein main saaf kar dena chaahati hoon ki khaadya suraksha bill, bhoomi adhigrahan bill donon aham hain, lekin jab sadan itna tanaavagrast ho aur mantriyon aur pradhaanamantriyon ke isteefe maange ja rahe hon, aise mein is par charcha naheen ho sakti. ' unhonne kaha ki aaj samoojhe vipaksh ne speaker ke aasan ke paas jaakar virodh jataaya. UPA ke sahayogi dal samaajavaadi party ke neta mulaayam ne bhi sansadeeya kaaryamantri ko vyaktigat roop se kaha ki bill shor-sharoba mein paarit naheen hona chaahiye. Iske baavajood yah koshish ki gayi. Unhonne kaha, 'Sarkaar doshi mantriyon ka isteefa le aur sadan chalaae. 10 taareekh tak sadan hai aur donon bill paas ho sakte hain, lekin sarkaar pehle javaabadehi tay kare. Desh ko lootane ka jo silsila mantriyon ne shuroo kiya hai, us par unka isteefa liya jaana chaahiye. Isse pehle sansad mein vivaadit mantriyon ki isteefe ki maang par khoob hangaama huaa. Loksabha ki baithak teen baar ke sthagan ke baad teen bajkar 20 minute par dinbhar ke liye sthagit kar di gayi. Isi hangaame aur naarebaaji ke beech sansadeeya kaarya raajya mantri pavan Singh ghatovaar ne vitt mantri pi. Chidambaram ki or se 'Raashtreeya krushi aur graameen vikaas bank sanshodhan vidheyak ' bhi pesh kiya. Teen baar ke sthagan ke baad teen baje sadan ki baithak fir se shuroo hone par naarebaaji aur hangaame ke beech hi mahatvaakaankshi 'Raashtreeya khaadya suraksha vidheyak' par charcha shuroo karaai gayi, lekin hangaama badhne par charcha adhoori rahi aur sadan ko dinbhar ke liye sthagit kar diya gaya.

Mantriyon Ke Isteefe Tak Bill Paas Naheen Hone Deinge Sushma https://www.angrejinews.com/pic/7847