Mantrimandal Ne Sej Mein Nyaas Ko Nivesh Ki Manjoori Dene Ke Liye Vidheyak Pesh Karne Ke Prastaav Ko Manjoori Di

Business »

Mantrimandal Ne Sej Mein Nyaas Ko Nivesh Ki Manjoori Dene Ke Liye Vidheyak Pesh Karne Ke Prastaav Ko Manjoori Di

Nayi Delhi, 12 June (bhaasha) keindreeya mantrimandal ne sansad ke aane vaale satr mein vishesh aarthik jon (sanshodhan) vidheyak 2019 pesh karne ke prastaav ko Budhvaar ko manjoori de di. Iske tahat ab koi nyaas bhi vishesh aarthik jon (sej) mein nivesh kar sakeinge. mantrimandal ne pradhaanamantri Narendra Modi ki adhyakshata mein Budhvaar ko yahaan hui baithak mein yeh manjoori di. yeh vidheyak vishesh aarthik jon (sanshodhan) adhyaadesh 2019 ka sthaan lega. Yeh adhyaadesh March mein laaya gaya tha. Is adhyaadesh se nyaason ko sej mein ikaaiyaan lagaane ki manjoori mil gayi hai. ek aadhikaarik bayaan mein kaha gaya, ''Keindreeya mantrimandal ne sansad ke aagaami satr mein vishesh aarthik jon (sanshodhan) adhyaadesh 2019 ki jagah lene ke liye vishesh aarthik jon (sanshodhan) vidheyak 2019 laane ki manjoori de di. '' vishesh aarthik jon adhiniyam 2005 ke khand do ke paanchavein upakhand mein sanshodhan ke baad kisi nyaas ya sarkaar dvaara adhisoochit koi bhi nikaaya sej mein nivesh karne par chhoot paane ka paatr ho jaaega. is sanshodhan mein kendra sarkaar ko is baat ki bhi chhoot ki vah sej mein nivesh ke liye paatr 'Vyakti' ki paribhaasha mein nyaas ko bhi shaamil kar sake. abhi adhiniyam ke praavadhaanon mein trast ko sej mein nivesh karne ya ikaaiyaan lagaane ki manjoori naheen hai. Sej mein ikaaiyaan lagaane ke liye anurodh karne ke paatr 'Logon' ki paribhaasha mein abhi nyaas shaamil naheen hai. sej mein ikaai lagaane ke liye aavedak ko board of aprooval ke paas jaana hoga. Is board ki aguvaai vaanijya sachiv karte hain. sej ko sarkaar kai chhoot deti hai tatha ekal khidki samaashodhan pranaali ki bhi suvidha upalabdh karaati hai. Iske kaaran ye sej desh ke pramukh niryaat kendra hain.

Mantrimandal Ne Sej Mein Nyaas Ko Nivesh Ki Manjoori Dene Ke Liye Vidheyak Pesh Karne Ke Prastaav Ko Manjoori Di https://www.angrejinews.com/pic/280801