Mantraalaya Ko Lekar NDA Mein Asantosh, Shivsena Ne Jataai Naaraajagi

Breaking »

Mantraalaya Ko Lekar NDA Mein Asantosh, Shivsena Ne Jataai Naaraajagi

File photo File photo Nai Delhi: NDA mein mantraalayon ke aavantan ko lekar aaj asantosh saamane aaya, jab bhaajapa ki sabse puraani sahayogi shivsena ne bhaari udyog mantraalaya diye jaane par naakhushi jataate hue ismein tatkaal badlaav ki maang ki. kal shivsena ke pratinidhi ke taur par keindreeya mantri ke roop mein shapath lene vaale party neta anant geete ne unhein aavantit mantraalaya mein kaamkaaj naheen sambhaala. Unhonne kaha ki party adhyaksh uddhav Thackeray Budhvaar ko is baare mein faisala kareinge ki mantraalaya ko sveekaar kiya jaae ya naheen. somvaar ko shapath-grahan samaaroh mein bhaag lene Delhi aae uddhav ne bhaajapa adhyaksh Rajnath Singh se mulaakaat ki aur aprasannata jataai. Geete ne bhi aaj din mein Singh se mulaakaat ki thi. Geete ne kaha ki shivsena ne doosra mantraalaya maanga hai, lekin unhonne yeh naheen bataaya ki kis mantraalaya ke liye ichha jataai gayi hai. jab geete se baar baar is baare mein savaal poochha gaya to unhonne kaha, 'Uddhavaji kal faisala kareinge. ' shivsena bhaajapa ki sabse puraani sahayogi hai aur usane Loksabha chunaav mein Maharashtra mein 18 seaton par jeet darj ki hai. Haalaanki geete ne aaj shaam keindreeya mantrimandal ki pehli baithak mein bhaag liya. jab graameen vikaas mantri aur varishth bhaajapa neta gopeenaath munde se poochha gaya ki kya geete mantraalaya ko lekar khush naheen hain, to unhonne seedha javaab naheen dete hue kaha, 'Bhaajapa mein koi naakhush naheen hai. ' is baare mein baar baar poochhe jaane par munde ne pehle din kaamkaaj sambhaalne ke baad kaha ki yeh raajaneeti par charcha karne ki jagah naheen hai. donon paartiyon ke beech tanaav ki sthiti isliye bhi chinta ka vishay ho sakti hai, kyonki is saal October mein Maharashtra mein vidhaanasabha chunaav hone hain. Bhaajapa aur shivsena ka gathabandhan 1995 se 99 tak raajya ki satta mein raha tha aur uske baad se ve saath mein vipaksh mein hain.

Mantraalaya Ko Lekar NDA Mein Asantosh, Shivsena Ne Jataai Naaraajagi https://www.angrejinews.com/pic/51913