Manmohan Singh Par BJP Ke Tevar Hue Sakht, Naheen Chalegi Sansad

Breaking »

Manmohan Singh Par BJP Ke Tevar Hue Sakht, Naheen Chalegi Sansad

vishesh samvaadadaata nai Delhi. . Koyala blauk aavantan aur 2ji spectrum ghotaalon par hue taaja khulaason ke baad sansad mein sarkaar aur BJP mein takaraar aur teekhi hoti ja rahi hai. BJP ne kaanoon mantri ashvini Kumar ki barkhaastagi ke saath-saath pradhaanamantri Manmohan Singh ko bhi ghotaale ke liye jimmedaar maanate hue unka isteefa maanga hai. Congress ne aisi maang maanane se saaf inkaar kar diya hai. Choonki donon pakshon ki taraf se narami ka koi sanket naheen hai, lihaaja maana ja raha hai ki sansad agale kuchh din aur baadhit rah sakti hai. BJP ke tevar hue sakht bajat session ke doosare charan mein do dinon se lagaataar ho rahe hangaame ki vajah se koi vidhaayi kaamkaaj naheen ho paaya hai. BJP ka saaf kehna hai ki agar usaki maang naheen maani jaati hai to vah sansad naheen chalne degi. Pichhle saal bhi kol blauk aavantan par kaig ki report saamane aane ke baad BJP ne PM ke isteefe ki maang ki thi aur sansad naheen chalne di thi. Us vakt sansad session ke kai din hangaame ki bheint chadh gaye the. Ab BJP ki rananeeti hai ki in donon maamalon ko lekar ekabaar fir janta ko mesej diya jaae ki maujooda sarkaar hi naheen balki khud PM ka daaman bhi saaf naheen hai. Vyaakaran ki galati aur halafnaama BJP ka kehna hai ki kol blauk aavantan mein CBI ke halafanaame ko dekhne ke liye kaanoon mantri ashvini Kumar ne jis tarah apni baithak mein bulaaya, uske liye unhein fauran barkhaast kiya jaae. Rajyasabha mein BJP ke upaneta ravishankar prasaad ka kehna hai ki maamale mein sansadeeya kaaryamantri Kamalnath ka haasyaaspad bayaan aaya hai. Unka kehna hai ki kaanoon mantri ne CBI se halafnaama sirf vyaakaran ki galatiyon ko dekhne ke liye mangaaya tha. BJP ka kehna hai ki jab Supreme court kah chuka tha to fir CBI ka halafnaama sarkaar ne kaise dekha. Prasaad ne maang ki ki CBI ke mool aur baad mein badle gaye donon hi halafanaame saarvajanik kiye jaaen aur donon ko court mein pesh kiya jaae. Party ka ek aur aarop yah hai ki PM kaaryaalaya ki or se bhi CBI ko kuchh sujhaav E-mel ke jariye bheje gaye. Isse saaf hai ki PM bhi is ghotaale mein shaamil rahe hain. BJP ka kehna hai ki ghotaale ke dauraan jyaadaatar vakt Manmohan Singh ke paas hi koyala mantraalaya tha aur raajyamantri bhi Congress ke hi the. JPC report par bhi naaraajagi BJP ki naaraajagi ki doosari vajah 2ji spectrum par JPC ki report hai. Report mein atal bihaari Vajpayee, jasavant Singh aur arun shauri ka naam shaamil karne se party behad naaraaj hai. Usaka kehna hai ki is maamale mein pradhaanamantri aur vittamantri donon ki bhoomika hai, lekin unke baare mein tippani karne ki bajaay BJP netaaon ko nishaana banaaya gaya aur fir report leek kar di gayi. BJP ne kaha ki tatkaaleen sanchaar mantri A. Raaja ne apne paksh mein saaf kaha hai ki unhonne har maamale mein pradhaanamantri aur vittamantri ko jaankaari di.

Manmohan Singh Par BJP Ke Tevar Hue Sakht, Naheen Chalegi Sansad https://www.angrejinews.com/pic/6523