Manmohan Singh Ko Chhoot Par America Se Javaab Talab

Breaking » Tuesday, June 24, 2014

Washington: America ki ek adaalat ne Bhaarat ke poorv pradhaanamantri Manmohan Singh ke khilaaf maanavaadhikaaron ke ullanghan se sambandhit ek maamale mein unhein chhoot dene ke ameriki sarkaar ke sujhaav par javaab maanga hai. Adaalat ne ameriki sarkaar se 10 July tak is maamale mein javaab dene ke liye kaha hai. America ki sangheeya adaalat ne 20 June ko diye apne aadesh mein kaha, ameriki sarkaar aaropi ko chhoot dene ke apne sujhaav ke sandarbh mein abhiyokta ki pratikriya par 10 July, 2014 tak javaab de sakti hai. Manmohan Singh ke khilaaf yeh maamala ameriki sikh sangathan 'Sikhs for Justice' (esaefaje) ki or se daayar kiya gaya hai. Sangathan ne Manmohan Singh par varsh 1990 ke dashak mein Punjab mein aatankvaad virodhi kai abhiyaanon ko sarkaari anudaan dene ka aarop lagaaya hai. Unka aarop hai ki is dauraan suraksha balon ki avaidh kaarravaai mein kai hajaar log maare gaye. ameriki sarkaar ne is maamale mein Manmohan Singh ko chhoot dene ka sujhaav diya tha. Obama prashaasan ne adaalat mein kaha tha ki yeh videsh neeti ke kriyaanvayan ki drushti se America ke hit mein aur antar sambandhon ke aacharan ke anuroop hai ki pradhaanamantri pad par rahate hue Manmohan Singh ko is maamale mein chhoot di jaae. esaefaje Manmohan Singh ko chhoot dene ke ameriki sarkaar ke sujhaav ka virodh karte hue kaha tha ki Manmohan Singh ab Bhaarat ke pradhaanamantri naheen rah gaye hain aur isliye unhein 'Kisi videshi sarkaar ke pramukh' ke roop mein chhoot praapt naheen hai. Iske atirikt, videshi adhikaariyon dvaara 'Pad par rahate hue' kiya gaya aparaadh videshi samprabhuta unmukti adhiniyam (efaesaaaie) ke daayare mein bhi naheen aata. esaefaje ki shikaayat par Manmohan Singh ke khilaaf samman September 2013 mein unki America yaatra ke dauraan jaari kiya gaya tha.