Manmohan Ne Teesari Baar PM Banane Se Naheen Kiya Inkaar

Breaking »

Manmohan Ne Teesari Baar PM Banane Se Naheen Kiya Inkaar

Nai Delhi. . Pradhaanamantri Manmohan Singh ne somvaar ko teesare kaaryakaal ko sveekaar karne ka vikalp khula rakha, lekin jald chunaav ki sambhaavana se inkaar kiya aur kaha ki sarkaar agale saal May mein paanch saal ka apna kaaryakaal poora karegi. NDTV ke ek kaaryakram mein yah poochhe jaane par ki kya vah kahe jaane par teesara kaaryakaal sveekaar kareinge, unhonne javaab diya, 'Mere paas abhi bhi maujooda karyakaal ko poora karne mein kuchh vakt bacha hai. ' ek anya savaal ke javaab mein Singh ne kaha ki vah is bade desh mein pradhaanamantri ke pad ko 'Mahaan sammaan' maanate hain aur unka prayaas logon ki oonchi ummeedon par khara utarana raha hai. Doosra kaaryakaal sanbhaal rahe Singh pichhle nau saalon se pradhaanamantri hain. Yah poochhe jaane par ki kya vah chunaav ke mood mein aa gaye hain, pradhaanamantri ne javaab diya, 'Main is mudde par kisi savaal ka javaab dene naheen ja raha hoon. ' is savaal par ki unka bacha huaa kaaryakaal chhah maheenon ka hai ya ek saal ka, Singh ne kaha, 'Ham apni sarkaar ka paanch saal poora kareinge. ' NDTV ke 25 saal poora karne ke mauke par aayojit samaaroh ke dauraan Singh ne logon ko soochit karne mein media ki bhoomika ki saraahana ki. Lekin saath hi unhonne khed jataaya ki samay-samay par sanasani, khabaron ko halke tareeke se dikhaane aur ped news ki ghatnaaen hoti hain jisse media ko khud nipatna chaahiye.

Manmohan Ne Teesari Baar PM Banane Se Naheen Kiya Inkaar https://www.angrejinews.com/pic/5639