Manmohan Ne Dikha Hi Diya Apna Asli Rang : BJP

Breaking »

Manmohan Ne Dikha Hi Diya Apna Asli Rang : BJP

Nai Delhi. . Teesari baar bhi pradhaanamantri banane ki sambhaavana se inkaar naheen karne par bhaarateeya janta party (BJP) ne shukravaar ko Manmohan Singh ko aade haath lete hue kaha ki holi ke baad unhonne apna asli rang dikha diya hai. Party ne savaal kiya ki kaheen yah unki or se Rahul Gandhi ki pradhaanamantri pad ki daavedaari par paleeta lagaana to naheen hai. Party ke mukhya pravakta ravishankar prasaad ne Singh par nishaana saadhate hue kaha, 'Pradhaanamantri Manmohan Singh ne avsar milne par pradhaanamantri ke roop mein teesari paari ki sambhaavana se inkaar naheen kiya hai. Saaf roop se Doctor Singh, jo ek anichhuk raajaneta hain, ne holi ke kuchh din baad hi apna asli rang dikha diya hai. 'Khabar padhein: Mulaayam bole, Manmohan ke bayaan se hairaan hoon unhonne kaha, 'Kya Manmohan Singh ki tippani Congress ke andar unke dushmanon ko taaraget karti hai ya Rahul Gandhi ki pradhaanamantri ki daavedaari par savaaliya nishaan lagaati hai. ' unhonne kaha, 'Singh ki niji mahatvakaanksha ya ichha kya hai, yah keval unhein ya unki party ko tay karna hai, lekin pradhaanamantri ke roop mein Singh ka lagbhag nau saal ka kaaryakaal nishchit roop se logon ke liye saarvajanik chinta ka vishay hai. Isliye logon se unhein pradhaanamantri ke roop mein paanch aur saal dene ke vichaar ki katai ummeed naheen ki ja sakti hai.

Manmohan Ne Dikha Hi Diya Apna Asli Rang : BJP https://www.angrejinews.com/pic/3791