Manmohan Ki Shareef Ko Badhaai, Bhaarat Aane Ka Nyota

Breaking »

Manmohan Ki Shareef Ko Badhaai, Bhaarat Aane Ka Nyota

Nai Delhi. . Pradhaanamantri Manmohan Singh ne ravivaar ko navaaj shareef aur unki party ko chunaav mein shaanadaar jeet ke liye badhaai di tatha Bhaarat Pakistan sambandh ki nai disha tay karne ke liye unke saath milkar kaam karne ki ichha jaahir ki. Singh ne shareef ko paraspar suvidhaajanak taareekh par Bhaarat aane ka nyota bhi diya. Pradhaanamantri kaaryaalaya ki or se jaari bayaan mein kaha gaya hai,'Pradhaanamantri ne shareef aur unki party ko Pakistan ke chunaav mein shaanadaar jeet ke liye badhaai di hai. ' Singh ne Pakistan ke logon evam raajaneetik dalon ko bhi hinsa ki dhamaki ko dhata bataakar badi sankhya mein matadaan karne ke liye badhaai di. Bayaan mein kaha gaya hai ki pradhaanamantri ne donon deshon ke beech sambandhon ki nai disha tay karne ke liye Pakistan ki nayi sarkaar ke saath milkar kaam karne ki Bhaarat ki ichha prakat ki.

Manmohan Ki Shareef Ko Badhaai, Bhaarat Aane Ka Nyota https://www.angrejinews.com/pic/8407