Manmohan Bole, BJP Ne Karnataka Ka Kiya 'Kabaada

Breaking »

Manmohan Bole, BJP Ne Karnataka Ka Kiya 'Kabaada

Hubli. . Pradhaanamantri Manmohan Singh ne Karnataka ki BJP sarkaar par nishaana saadhate hue kaha hai ki raajya mein 'Kushaasan' aur 'Bhrashtaachaar' se pragati tham gayi hai tatha alpasankhyakon ke beech asuraksha ka bhaav hai. Paanch May ko hone vaale vidhaanasabha chunaav mein Congress ke liye prachaar karte hue Manmohan Singh ne kaha ki BJP ne pichhle paanch saalon mein teen mukhyamantri badle hain tatha uske kai netaaon ke khilaaf bhrashtaachaar ke maamalon mein jaanch ke aadesh diye gaye hain. Unhonne kaha, 'Kushaasan, vikaas kaaryon mein dhilaai aur sabse badhkar bhrashtaachaar ne Karnataka mein tarakki ko mand kar diya hai. ' Singh ne kaha ki raajya mein krushi aur rojagaar par koi dhyaan naheen diya ja raha hai. Sinchaai ke kai kaam adhoore hain tatha sinchaai vikaas kaaryakram ke tahat kiye gaye kaam bhi santoshajanak naheen hain. Unhonne kaha ki buniyaadi dhaanche par bhi koi dhyaan naheen diya ja raha hai jisse kai udyog Hyderabad aur Pune ja rahe hain. Pradhaanamantri ne kaha, 'Main vikaas ki kami, khaaskar raayachoor, bellaari, gulabarg tatha beedar jaise alpasankhyak aabaadi vaale ilaakon mein vikaas kaarya ki kami ko lekar naakhush hoon. Yahaan saampradaayik sadbhaav ki kami aur alpasankhyakon ke beech asuraksha ka bhaav bana huaa hai. ' pradhaanamantri Manmohan Singh ne Karnataka ki BJP sarkaar par kendra ki or se aavantit dhan ka istemaal naheen kar paane ka aarop lagaate hue kaha ki yah raajya manarega aur mid de meal athva graameen sadak vikaas sahit kai kaaryakramon ko lekar apne lakshya ko haasil karne mein naakaam raha hai. Unhonne kaha, 'Agar Karnataka mein Congress ki sarkaar banti hai to raajya keindreeya yojanaaon ke tahat mile dhan ka adhiktam istemaal kar sakega. Hamaari sarkaar Karnataka mein bhrashtaachaar mukt sarkaar dekar raajya ko aage le jaaegi. ' Singh ne kaha ki jab poori duniya mein log soochana praudyogiki ki baat karte hain to Bengaluru ke baare mein baat karte hain. Beete do dashak ke dauraan Karnataka ne antaraashtreeya patal par apna sthaan banaaya gaya hai aur yah sab vaigyaaniko aur injiniyron ke yogadaan se sambhav huaa hai. Unhonne kaha ki UPA sarkaar ne aarthik sudhaar ke kadam uthaae hain aur Karnataka inka adhiktam laabh haasil karne mein safal raha hai jisse iske vikaas khaaskar IT kshetr mein madad mili hai. UPA sarkaar ke baare mein baat karte hue pradhaanamantri ne kaha ki usaka dhyaan samagr vikaas par raha hai aur is sarkaar ne sabhi tabakon ke logon ko saath liya hai. Unhonne kaha ki kendra ki sarkaar ne apni neetiyon mein pichhde tabakon, alpasankhyakon aur mahilaaon ko khaas tavajjo di hai. Singh ne kaha ki Karnataka mein jab bhi Congress ko chhodkar doosare dalon ki Congress ki sarkaar.

Manmohan Bole, BJP Ne Karnataka Ka Kiya 'Kabaada https://www.angrejinews.com/pic/7094