Manipur Mein Ek IAS Adhikaari Ne Sanvaari Logon Ki Jindagi

Breaking »

Manipur Mein Ek IAS Adhikaari Ne Sanvaari Logon Ki Jindagi

Tameingalaang (manipur). . Haradam raub mein rahane vaale sarkaari afsaron ko manipur ke tausem mein tainaat sab-divijnal maijistret (esadeeem) se seekh leni chaahiye. Bhaarat ke sabse pichhde ilaakon mein gine jaane vaale manipur ke tausem ke nivaasiyon ke chehare par ab pareshaaniyon ki lakeeron ki jagah muskaan hai. Yah muskaan laane ka kaam kiya hai esadeeem aarmastraung pem ne. Pem ne yahaan ke logon ki behad aham jaroorat motor-kaaron ke daudne laayak sadak niji koshishon ki badaulat muhaiya karaai hai. Bina sarkaari sahaayata ke beete February mein 100 kilometer lambi 'Peepals rod' logon ko samarpit kar chuke aarmastraung ko log 'Chamatkaari purush' maanate hain. Tausem ke esadeeem 28 varsheeya pem mool roop se tameingalaang jile ke hain, jo naagaalaind ke jeme janajaati se aane vaale pehle aaiees adhikaari hain. 2009 baich ke aaiees pem ke mutaabik, tausem se 50 kimi door tameingalaang aane ke liye logon ko nadiyon ko paar karna padta tha, ghanton paidal chalana padta tha. Logon ki pareshaaniyon ko dekhkar unase raha naheen gaya. Pem ne bataaya, 'Aaiees ki pareeksha dene ke baad main kuchh samay ke liye tameingalaang aaya. Mainne apne bachapan mein yahaan ki kathinaaiyon ko dekha tha, isliye mainne manipur ke 31 gaanvon ko paidal ghoomane aur vahaan ke logon ka jeevan jaanane ka faisala kiya, taaki main unki pareshaaniyon ko samajh sakoon. ' unhonne bataaya, '2012 mein main tausem ka esadeeem bana. Mainne kai gaanvon ka daura kiya aur dekha ki kaise log chaaval ki bori apni peeth par laad kar laate the, ghanton paidal chalte the aur mareejon ko baans ke bane chaukor strechar par laad kar le jaate the. Aisa motor daudne laayak sadkon ke abhaav ki vajah se tha. Jab mainne graameenon se poochha ki ve kya chaahate hain, unki ekamaatr ichha behtar sadak ki thi. ' Armstrong ke mutaabik, unhonne dhan jutaane ke liye sarkaar se sampark saadha, lekin sansaadhanon ke abhaav mein unhein niraash hona pada. Unhonne kaha, 'Lekin main vaastav mein graameenon ki pareshaaniyon se dukhi tha, isliye mainne August 2012 mein social site Facebook ke jariye dhan jutaane ka faisala kiya. ' unhonne kaha, 'Janakalyaan ke liye dhan jutaane ka kaam mere ghar se shuroo huaa. Mainne 5 lakh rupaye diye aur Delhi university mein teacher mere bhaai ne ek lakh rupaye diye. Yahaan tak ki meri maan ne bhi pita ke ek maah ka peinshan paanch hajaar rupaye daan kiya. ' pem ne bataaya, 'Ek raat amerikaavaasi ek naagrik ne 2500 dollar sadak nirmaan ke liye dene ki ichha jataai. Agale din new yaurk mein rahane vaale ek sajjan sikh naagrik ne kaha ki vah 3000 dollar deinge. ' unhonne kaha ki is tarah bahut kam samay mein humne sadak nirmaan ke liye 40 lakh rupaye juta liye. Iske alaava unhonne sthaaneeya thekedaaron aur logon se bhi yathaasanbhav madad dene ki gujaarish ki. Yah poochhe jaane par ki unka agala kadam kya hoga, pem ne kaha, 'Karne ko bahut saari cheejein hain. Unamein se ek sadak ka 10 kilometer aur vistaar karna hai. ' unhonne muskaraate hue kaha, 'Lekin meri maan kehti hain sadkein banaana band karo aur pehle apna ghar banaao. ' sthaaneeya kisaan jingakyulak ne kaha, 'Hamaare santare sadkon ke abhaav mein sad jaate the, lekin 'Peepals rod' ne hamein dhan kamaane ka mauka muhaiya karaaya hai. ' tausem ke nivaasi iram ne kaha, 'Vah ek bahut hi udaar dil ke adhikaari hain. Mujhe lagta hai ki unke jaisa aaiees adhikaari bhavishya mein milna behad mushkil hai. '

Manipur Mein Ek IAS Adhikaari Ne Sanvaari Logon Ki Jindagi https://www.angrejinews.com/pic/4427