Mani-vaarta Videsh Neeti Ke Lihaaj Se Sharmindagi Ka Baayas Bana Beeta Hafta

Breaking » Wednesday, July 23, 2014

manishankar ayyar Congress ki or se Rajyasabha sadasya hain. . . bhaarateeya janta party ne apne ghoshanaapatr mein videsh neeti ko naya roop dene ki baat kehkar nishchit roop se sabhi ko dara diya tha, parantu sabhi ko yahi lag raha tha ki yeh bhi usi tarah ke baar-baar doharaae jaane vaale vaakyon me se ek hai, jo Narendra Modi apne dimaag mein aane waali sabhi baaton ko vyakt karne ke liye lagaataar istemaal karte hain. Lekin jo hafta abhi beeta hai, usase sanket milte hain ki ve is baare mein gambhir the. Do ghatnaaon par dhyaan deejiye - briks sammelan aur filsteen sankat. Briks sammelan kisi antararaashtreeya mach par pradhaanamantri ke roop mein yeh Modi ka pehla daura tha, aur aise dauron mein protokaul ke bilkul theek rakhe jaane ki ummeed ki jaati hai. Baharahaal, jahaan saari duniya football ke junoon mein doobi hui thi, bechaare protokaul ko pata hi naheen tha ki Germany jeet sakta hai. Chaansalar enjela maarkel ke saath barlin mein raatribhoj tay kar liya gaya, jabki vah saari duniya ko bataati fir rahi theen ki jab unki football team duniya par raaj karne ke liye badhegi, vah uske paas hi raheingi. so, jab Modi barlin mein utare, vah braajeel chali gain. Isi ke saath Modi ki barlin yaatra poori tarah afaladaayi rah gayi (vaise vimaan mein indhan zaroor bhara gaya). Haan, vaapasi ki udaan mein unhonne frainkafart mein indhan bharavaaya, aur maarkel se phone par baatcheet zaroor ki, lekin social media ke vishesh premi hone ke baavajood unke paas tweet karne laayak kuchh bhi usamein se nahi nikla. So, is yaatra se unhonne kuchh bhi haasil naheen kiya, sivaaya Japan ko naaraaj karne ke, jinse yeh vaada kiya gaya tha ki Modi ki up-mahaadveep ke baahar pehli yaatra Japan ki hi hogi. khair, protokaul ke lihaaj se yahi ekamaatr aur aakhiri gadbad naheen thi. Modi ne putin ke saath bhi pahunchate hi baithak tay ki thi, lekin putin ne braajeel ke raashtrapati ke saath braaseeliya mein, jo fortaaleja se 1,600 kilometer door hai, vyaapaarik baithak ko tarajeeh di. So, putin ne anajaane mein ya shaayad soch-samajhakar Modi ko yeh jata diya ki vah Ukraine ke ghatnaakram par bhaarateeya rukh se sahamat naheen hain, aur vah Modi se tay mulaakaat ke vakt se do ghante baad fortaaleja pahunche. aakhiri ghadi mein ek aur mulaakaat tay ki gayi, lekin vah Bhaarat ke sabse puraane aur sabse kareebi mitr rahe desh ke saath tasalli se baithakar baatcheet karne ke sthaan par hadbdi mein hui bheint jaisi rahi. Iski bhi sabse udaar vajah main yahi soch paata hoon ki shaayad putin isliye ruk gaye, kyonki vah jaante the ki Modi Bhaarat aur roos ke beech gas paaipalaain ka sujhaav deinge, aur vah yahi jaanana chaahate the ki Modi ko khush karne waali vah paaipalaain paameer ka pathaar aur hindukush ko kaise paar karavaai jaaegi. chhathe briks sammelan se mukhyaroop se ek hi cheej haasil hui, aur vah tha nae vikaas bank - briks bank - ki sthaapana par sahamati ban jaana. Lekin us par kaam kaafi lambe samay se chal raha tha, jab Modi pradhaanamantri bane hi naheen the. Is bank par sahamati chauthe briks shikhar sammelan mein bani thi (dhyaan rahe, vah sammelan varsh 2010 mein nai Delhi mein hua tha, aur Dr Manmohan Singh ne usaki adhyakshata ki thi) aur paanchavein sammelan mein use disha di gayi, aur vittamantriyon ko agale sammelan se poorv kaam khatm kar lene ke liye kaha gaya. Hamaari videsh seva aur vitt mantraalaya ke dhurandharon ne athak parishram kiya, aur fir Modi ke liye sirf dastakhat kar shreya lene ka kaam baaki bacha tha, jo unhonne bakhoobi kar dikhaaya hai. is vyakti ka chamatkaar yahi hai ki vah sahi samay par sahi jagah maujood hote hain, taaki koi kaam na kiya hone par bhi poora shreya le sakein. Aisa ham varsh 2001 mein bhi dekh chuke hain, jab vah mukhyamantri bankar Gujarat pahunche, aur usi saal sardaar sarovar baandh se kaam shuroo ho gaya. Iske saath hi Modi ne 'Sookhe' Gujarat ko 'Haritpatti' mein badalne ka saara shreya bator liya, jabki vaastavikta yeh hai ki raajya ki krushi paidaavaar ko badhaane ke number batorane ka Modi ko koi mauka naheen milta, agar Rajiv Gandhi ne is project ko manjoori na di hoti, ya PV narasimhaaraav ne varldabainke ke peechhe hatne ke baad vitteeya sahaayata muhaiya na karaai hoti. Nishchit roop se Modi ne badha-chadhaakar daave kiye, jiski vajah se 10 feesadi se bhi zyaada krushi vruddhi dar ka unka daava farji saabit hua aur ab lagbhag chhah feesadi dikhaaya jaata hai. so, briks bank ke saath bhi aisa hi hua. Aaidiya Dr Manmohan Singh ka tha, mehnat UPA sarkaar ki thi, aur Modi sirf sahi vakt par pahunch gaye, taaki vijeta ki tarah podiym par chadhkar 'Cup' ko apna bata sakein. yahi baat Bhaarat ko Asia-paisifik economic koopareshan (epek) mein paryavekshak ke roop mein cheen dvaara aamantrit kiye jaane tatha sthaaneeya aatankvaad se ladne waali Shanghai koopareshan kaaunsil mein bhaarateeya upasthiti ke faisale par bhi laagoo hoti hai. Modi ke resakors rod par pahunchane se 'Yugon pehle' us par kaam shuroo ho chuka tha. Ismein Modi ne kuchh naheen kiya, sivaaya kisi aur ke kiye kaam par apni muhar lagaane ke alaava. Aaie dekhein, duniya kis tarah Dr Manmohan Singh ki prashansa kiya karti thi. . . varsh 2010 mein ji-20 shikhar sammelan mein ameriki raashtrapati Barack Obama ne kaha, "Main kah sakta hoon, ji-20 mein jab pradhaanamatri bolte hain, saari duniya sunati hai. . . " varsh 2013 mein briks sammelan ke dauraan cheeni raashtrapati shi jinping ne unki netrutv kshamata aur soojhaboojh ke liye unki bhoori-bhoori prashansa ki. . . October, 2013 mein Dr Singh se vidaai mulaakaat ke dauraan roosi raashtrapati putin ne kaha, "Hamaari adhiktar paraspar upalabdhiyaan aapke netrutv mein haasil ki gayi hain. . . " iske baavajood BJP yeh kehne ki himmat juta paati hai ki vahi sunishchit kareinge ki "Bhaarat ki aavaaj antararaashtreeya manch par suni jaae. . . " hansane ka man karta hai. . . Isse bhi bura yeh hai ki ve yeh bhi kehte hain - "Paramparaagat mitr deshon ke saath Bhaarat ke sambandh thande pad gaye hain. . . " aur dilchasp tathya yeh hai ki ve aisa us sthiti mein kehte hain, jab pichhle pradhaanamantri ki taareefon ke pul is tarah baandhe jaate hon. Dhyaan dein - vah Manmohan Singh naheen the, jinhein pehli mulaakaat mein putin ne gachcha diya, vah Modi the. Filsteen par dhulamul ravaiya poore hafte videshamantri sansad mein filsteen par charcha se bachati raheen. Yeh vah desh hai, jiske baare mein varsh 1938 mein Gandhi ji ne kaha tha, "Filsteen usi tarah filsteeniyon ka hai, jis tarah England angrejon ka aur France French logon ka hai. . . " pichhle saat dashakon ke dauraan kshetr mein kitni bhi uthal-puthal machi rahi ho, filsteen ke saath hamaare rishte isi vaakya par tike rahe. Duniya ke sabhi raajanetaaon mein se sirf hamaare pehle pradhaanamantri javaaharalaal Nehru ne apni dooradrushti ki badaulat in rishton ko dekha, aur November, 1947 mein Bhaarat aisa ekamaatr gair-arab, gair-muslim desh tha, jisne filsteen ke bantavaare ke khilaaf vote diya, aur aagrah kiya ki desh ko ek rakhakar hi samaadhaan nikaala jaae, jismein yahoodiyon ke liye alag svaayatt kshetr ho, aur arabon ke liye alag svaayatt kshetr, jo milkar lokataantrik tareeke se chuni hai filsteen ki sanyukt keindreeya sarkaar ke tahat kaam karein. filsteeni bhi kabhi hamaare saath apne bhaaichaare ko naheen bhoole, ab tak to naheen. Lekin ab Delhi sthit filsteeni dootaavaas aur uske adhikaariyon ko yeh duhaai deni pad rahi hai ki 200 nirdosh filsteeniyon ko maar giraane vaale Israeli havaai hamle aur hamaas ke palatavaar, jismein ek bhi Israeli naheen maara gaya, ko Bhaarat ek hi taraajoo mein na tole. mainne kabhi sapane mein bhi naheen socha tha ki yeh is star tak aa jaaega - aur ham apne arab bhaaiyon ko unki sabse badi zaroorat ke vakt akela chhod deinge. Bhale hi sabhi arab desh aur Irani raajya muslim hain, bhale hi Pakistan arabon aur iraaniyon ko dharm ke naam par apni taraf karne ki naapaak koshishein karta raha hai, fir bhi sabhi arab desh aur Irani raajya - raajashaahi hon ya lokataantrik, kraantikaari hon ya islaamik - hamesha Bhaarat ke saath khade rahe hain, hamaare 80 lakh se bhi zyaada naagrikon ko rojgaar dete rahe hain, kachche tel ki hamaari zaroorat ka 70 feesadi se bhi zyaada hissa upalabdh karaate rahe hain, aur hamaare niryaat ka bahut bada hissa khapaate rahe hain. yeh sab khataai mein padta ja raha hai, sirf ek BJP ki vajah se, jo saanpradaayikta se labarej aankhon se saaf-saaf dekh hi naheen sakti. Hamein apni narsein vaapas mileen, lekin iske liye hamein us saakh ko dhanyavaad dena chaahiye, jo pichhle saat dashakon mein humne arab deshon ke saath banaai hai. Arab-virodhi, muslim-virodhi Israel ko lekar BJP ka jo ravaiya hai, usaki vajah se arab deshon ke saath apne bhaaichaare ko ham khatre mein daal rahe hain, aur yeh ek aisa khatra hai, jiska sabhi deshbhakt, dharmanirpeksh bhaarateeyon ko virodh karna hi chaahiee. disklemar (asveekaran) : Is aalekh mein vyakt kiye gaye vichaar lekhak ke niji vichaar hain. Is aalekh mein di gayi kisi bhi soochana ki sateekata, sanpoornata, vyaavahaarikta athva sachchaai ke prati NDTV uttaradaayi naheen hai. Is aalekh mein sabhi soochanaaen jyon ki tyon prastut ki gayi hain. Is aalekh mein di gayi koi bhi soochana athva tathya athva vyakt kiye gaye vichaar NDTV ke naheen hain, tatha NDTV unke liye kisi bhi prakaar se uttaradaayi naheen hai.