Mani Laundring Rokane Ka Kaam Sarkaar Ka Reserve Bank

Business »

Mani Laundring Rokane Ka Kaam Sarkaar Ka Reserve Bank

shreenagar. . Beema companiyon par mani laundring mein shaamil hone ke aaropon ke beech reserve bank ke Governor di subbaaraav ne kaha ki is prakaar ki gatividhiyon par lagaam lagaane ki jimmedaari sarkaar aur kar vibhaagon ki hai. Jammu-Kashmir bank ke plaitinm jubali samaaroh ke dauraan chhaatron aur shikshaavidon ko sambodhit karte hue unhonne kaha, 'Reserve bank ismein seedhe naheen juda hai. Bank bhi seedhe taur par jimmedaar naheen hain. Unase yah ummeed naheen ki ja sakti ki ve aay ke sot ke baare mein poochhataachh karein. Mani laundring ko rokana sarkaar aur kar vibhaagon ki jimmedaari hai. ' reserve bank pramukh ne kaha ki kobara post ki riporton mein mani laundring ka koi thos saboot naheen hai. In riporton mein 23 saarvajanik aur niji kshetr ke bank aur beema companiyon par mani laundring gatividhiyon mein shaamil hone ke aarop lagaae gaye hain. Reserve bank ke samaksh chunautiyon ke baare mein unhonne kaha ki aarthik vruddhi ki sambhaavana ko achhoota rakhate hue mudraasfeeti par lagaam lagaana ek chunauti hai. Keindreeya bank ne haal hi mein ikanaumik growth ko gati dene ke liye neetigat byaaj dar mein (reepo rate) mein 0.25 pratishat ki katauti ki hai. Subbaaraav ne yah bhi kaha ki RBI jaldi hi plastic not jaari karne par vichaar kar raha hai. Reserve bank aur sarkaar ne 10 rupaye ke ek arab plastic not jaari karne ka nirnaya kiya tha. Pareekshan ke taur par in noton ko kochchi, Mysore, Jaipur, bhuvaneshvar aur bhuvaneshvar mein jaari kiya jaana tha. Iska maksad bank not chalne ki avadhi ko badhaana hai. Islaamik banking ka jikr karte hue subbaaraav ne kaha ki yah vichaar bhaarateeya banking niyman se mel naheen khaata.

Mani Laundring Rokane Ka Kaam Sarkaar Ka Reserve Bank https://www.angrejinews.com/pic/8089