Mangal Ki Sair Karne Ko Hajaaron Log Hain Taiyaar

World » Wednesday, April 17, 2013

new yaurk. . Mangal grah ki sair karna chaahate hain to taiyaar ho jaaie kyonki ek company jald hi is baare mein aavedan mangaane waali hai. Yojana ke tahat ek purush aur ek mahila ko is trip par bheja jaaega. Trip 501 dinon ka hoga aur aapko mangal ke aaspaas sair karaaya jaaega. Yojana January 2018 mein sampann hogi. Haalaanki, is baare mein aavedan dene vaalon ka abhi se taanta lag gaya hai. Hajaaron log abhi hi aplaai karne ki hod mein shaamil ho chuke hain. Is trip ka aayojan kar rahe hain arabon dollar ki sampatti ke maalik denis teeto. Teeto 2001 mein space ki sair karne vaale pehle shakhs rah chuke hain. Unhonne isi saal February maheene mein 'Mission for America' naam se is yojana ki shuruaat ki thi. Trip jitna romaanchakaari maaloom hota hai usase kaheen jyaada mangal grah jaane vaalon ke liye iski khaatir taiyaariyaan karni hongi. Live science ki report ke mutaabik, trip ke liye jis kapal ko chuna jaaega use ek saal se jyaada vakt ek space yaan mein bitaana hoga. Iske alaava saans lene ke liye jo hava milegi vah risaaikald hogi, khaane ko dihaaidraited food milega aur peene ke liye paani naheen balki apna hi pyoorifaaid yoorin milega. Is trip ko lekar kya-kya dikkatein ho sakti hain, filhaal is par kaam ho raha hai.