Maneesh Dheer Ne Bhaarat Mein Aipal Ko Banaaya Menastreem Company

Business »

Maneesh Dheer Ne Bhaarat Mein Aipal Ko Banaaya Menastreem Company

ritaankar mukharji Kolkata. . Agar aapne maneesh dheer ka naam jyaada naheen suna hai, to iska matlab yah naheen hai ki unhonne jyaada kuchh haasil naheen kiya hai. Daraasal, unki company faaundar ke alaava apne praudakts ko asli hero maanati hai. Dheer Steve jaubs ki company aipal ink ke Bhaarat mein country manager hain. Vah haal ke sabse safal corporate leedars mein se ek hain. Unhonne financial iyar 2012 mein apni farm ke revenyoo mein teen guna ki badhotri karne ka taaraget haasil kar dikhaaya. Teen saal pehle unhonne company ke India head jimmedaari sambhaali thi. Is dauraan unhonne na sirf Bhaarat mein brand mein nai jaan daali hai, balki company ke ameriki hedakvaartar ka Bhaarat ke prati najariya bhi badla hai. Ek bade electronics chen ke promoter ne bataaya, 'Ab company ke reejanal hedakvaartar London ke adhikaari samet aipal ke kai senior egjikyootivs niyamit taur par Bhaarat aate hain aur trade partners se is par charcha karte hain ki Bhaarat mein company ki jyaada se jyaada growth kaise ho. Dheer ki aguvaai mein aipal India mein menastreem company ban gayi hai. ' country head ki jimmedaari sambhaalne ke baad sabse pehle dheer ne apni team ka saaij tiguna kar diya. Ab company mein 150 se bhi jyaada egjikyootivs hain. Saath hi, aipal ne eksakloosiv network ka vistaar aur aaifon par jyaada focus karne ka bhi faisala kiya. Dheer ke aane se pehle aipal ki Bhaarat mein growth 30-50 feesadi thi. Unke aane ke baad 2011-12 mein company ke revenyoo mein 223 feesadi ki badhotri hui aur yah 2,003.9 karod rupae tak pahunch gaya. Revenyoo mein bhaari badhotri ki vajah aaifon ki sales mein teji rahi. Aaifon ki sales lagaataar badh rahi hai. Revenyoo ke hisaab se yah ab saimasang ke baad number 2 smaartafon brand ban gaya hai. Jaankaaron ke mutaabik, October 2012-September 2013 ke dauraan aipal ka revenyoo aasaani se 1 arab dollar (takareeban 5,400 karod rupae) paar kar sakta hai. Yah aipal ka financial iyar bhi hai. Aipal ke pravakta ne dheer ke profaail ke baare mein bataane ka anurodh khaarij kar diya. Dheer ko is baare mein bheji gayi imel ka bhi koi javaab naheen mila. Aipal jauin karne se pehle dheer eoel ink mein intaranaishanal business ke egjekyutiv vaais prejideint the. Bhaarat mein is media farm ke aautasorsing operation ke vistaar mein unki aham bhoomika rahi. Sootron ke mutaabik, filhaal dheer ki badi chinta sirf aaifon ki sales par nirbhar rahane ke bajaay desh mein iPad aur aaimaik ko paupyular banaane ki hai. Haalaanki, saimasang ke baraabar khada hone ya ise peechhe chhodne ka kaam dheer akele naheen kar sakte. Iske liye unhein kuchh aur prafeshanals ki jaroorat hogi.

Maneesh Dheer Ne Bhaarat Mein Aipal Ko Banaaya Menastreem Company https://www.angrejinews.com/pic/6100