Mandir Mein Todfod Aur Lootpaat

Breaking »

Mandir Mein Todfod Aur Lootpaat

enabeeti news . . Agra thaana sikandara kshetr ke kakaraitha ilaake sthit ek mandir par somvaar raat hathiyaaron se lais kareeb aadha darjan badmaashon ne dhaava bol diya aur jamkar lootpaat ki. Mandir par rah rahe baabaaon ne jab loot-paat ka virodh kiya to badmaashon ne unke saath jamkar maarapeet ki. Badmaashon ne mandir ki moorti aur tasveeron ko tahas-nahas kar diya. Isse sthaaneeya logon mein jabardast aakrosh hai. Thaana sikandara kshetr ke kakaraitha ilaake mein ek mandir hai jis par naaga Baba sahit kai anya saadhoo rahate hain. Bataaya gaya hai ki somvaar raat kareeb aadha darjan badmaash hathiyaaron se lais hokar mandir mein ghusne ki koshish kar rahe the. Mukhya darvaaja band hone ke kaaran badmaashon ne use jabaran tod diya is beech darvaaja tootane ki aahat sunakar vahaan so rahe naaga Baba jaag gaye aur unhonne badmaashon ka tok diya. Naaga Baba ki taraf se badmaashon ko toke jaane ki aavaaj sunakar mandir par so rahe anya saadhoo bhi jaag gaye aur badmaashon ka virodh karne lage. Hathiyaaron se lais badmaashon ne sabhi ke saath jamkar maarapeet ki aur shor machaane par goli maarane ki dhamaki dekar Baba va unke saathiyon ko daraana dhamakaana shuroo kar diya. Iske baad badmaashon ne mandir mein ghuskar lootpaat ki aur mandir mein rakhi hajaaron rupaye ki nakadi va anya saamaan lootakar le gaye. Badmaashon ke jaane ke baad shor machaae jaane par aaspaas ke log mauke par jama ho gaye aur ilaaka police ko ghatna ki jaankaari di. Soochana paakar ilaaka police bhi mauke par pahunch gayi aur pitaai se ghaayal hue naaga Baba ravi naath, salaki naath va bangaali baghel ko aspataal mein bharti karaaya. Police maamale ki jaanch mein jut gayi hai.

Mandir Mein Todfod Aur Lootpaat https://www.angrejinews.com/pic/5011