Mandir Mein Prasaad Chadhaane Gayi Bachchi Se Rape

India » Thursday, April 25, 2013

S . Bulandashahar : Kharja city station ke paas mandir mein prasaad lene gayi 8 saal ki bachchi ke saath rape ka maamala saamane aaya hai. Vaheen, doosari aur kotavaali dehaat ke gaanv ki ek yuvati ke saath bhi rape ka maamala darj kiya gaya hai. Police maamale ki jaanch kar rahi hai. Bachchi ke parijanon ke anusaar mangalvaar ki shaam ko vah hanumaan mandir par prasaad chadhaane gayi thi. Aarop hai ki pados ka yuvak use jhaansa dekar paas sthit khandahar mein le gaya. Vahaan aaropi ne bachchi se rape kiya. Bachchi ki rone ki aavaaj sunakar raahageer jama ho gaye, tab tak aaropi mauke se faraar ho gaya. Police ne peedit bachchi ko medical jaanch ke liye aspataal bheja hai aur case darj kar liya hai. Doosari aur mangalvaar ki shaam kotavaali dehaat ke gaanv ke kheton mein fasal kaat rahi ek yuvati ke saath rape karne ka maamala saamane aaya hai. Aaropi yuvak faraar bataaya gaya hai. Yuvati ke bhaai ne report darj karaai hai. Yuvati ne bataaya ki aaropi unke gaanv ka dabang yuvak khet mein aaya aur usane tamancha kanapati se sataakar rape ki vaaradaat ko anjaam diya. Kotavaali inspector aar. Bi. Singh ne bataaya ki peedit ki tahareer par report darj kar jaanch ki ja rahi hai. Seeo city vaibhav Krishna ne bataaya ki aaropi faraar hai.