Man Ki Na Karo, To Congress Peechhe Laga Deti Hai CBI Akhilesh

Breaking »

Man Ki Na Karo, To Congress Peechhe Laga Deti Hai CBI Akhilesh

Allahabad. . Samaajavaadi party (SP) cheef mulaayam Singh Yadav ke baad ab unke bete va UP ke CM Akhilesh Yadav ne Congress par jordaar hamla bola hai. Akhilesh ne shanivaar ko aarop lagaaya ki jo bhi uske mutaabik kaam naheen karta hai CBI ke jariye usaka 'Utpeedn' kiya jaata hai. Akhilesh ne daava kiya ki desh ke logon mein 'Vyaapak asantosh' ke chalte aagaami Loksabha chunaav mein UPA ko bhaari keemat chukaani padegi. Unhonne ek kaaryakram ke baad media se baat karte hue haalaanki saaf kiya ki samaajavaadi party 'Saampradaayik shaktiyon ko door rakhane ke liye UPA ko samarthan jaari rakhegi'. Unhonne yadyapi yah bhi kaha, 'Chunaav jab bhi ho ham uske liye poori tarah se taiyaar hain. ' mulaayam Singh Yadav ke us bayaan ke baare mein poochhe jaane par ki chunaav is saal November tak ho sakta hai, Akhilesh ne kaha ki 'Raajaneetik ghatnaakram aur media mein aane waali khabaron se aisi sambhaavana ka sanket milta hai. ' mulaayam ne shukravaar ko kaha tha, 'Congress dhamaki dekar samarthan leti thi. Mainne kharaab samay mein UPA ko samarthan diya lekin Congress ne CBI ko mere peechhe lagaaya. ' BJP ke aarop par ki SP UPA ka samarthan karke apne kuchh top netaaon ke khilaaf CBI kaarravaai ke dar mein kaam kar rahi hai, Akhilesh ne iska koi seedha uttar naheen diya lekin kaha ki 'Yah tathya hai ki jo koi bhi Congress party ki ichha ke anuroop kaam naheen karta use CBI utpeedn ka saamana karna padta hai. ' uttar pradesh ke mukhyamantri ne yah bhi daava kiya ki unki party Loksabha chunaav mein apna best pradarshan karegi. Unhonne kaha, 'Iske alaava kendra ke khilaaf vyaapak asantosh ka Congress ko khamiyaaja uthaana padega aur UP mein adhik laabh hamein hoga. ' Akhilesh ne Congress ya BJP ka naam liye bina yah bhi kaha, 'Vidhaanasabha chunaav mein adhiktar vidhaanasabha kshetron mein paanch se 10 hajaar vote paane ke liye sangharsh karne waali paartiyaan Loksabha chunaav mein chaar se paanch seaton se adhik naheen jeet paaengi. ' Akhilesh is savaal ko taal gaye ki kya SP keindreeya mantri evam mulaayam Singh Yadav ke mitr se dushman bane beni prasaad varma ko pad se hataane ke liye dabaav banaaegi jinhonne SP ke khilaaf kai chubhane waali tippaniyaan ki hain. Isse pehle Akhilesh ne uttar pradesh baar kaaunsil ki ek nai bilding kaumpleks ka udghaatan kiya. Raajya mein kaanoon evam vyavastha ki sthiti par Akhilesh ne kaha ki unki sarkaar asaamaajik tatvon va laaparavaah adhikaariyon ke khilaaf kadi kaarravaai karegi.

Man Ki Na Karo, To Congress Peechhe Laga Deti Hai CBI Akhilesh https://www.angrejinews.com/pic/3890